| Nummer:oub0323 | Datum:16. Sept. 1424 | Überlieferung:Editie | Fundstelle:Ostfriesisches Urkundenbuch, I, S. 288, nr. 323 |
Die Stadt Groningen theilt an Ocko tom Brok ihren Beitritt zu dem Oldenburgischen Vertrage mit.
Den eersamen onsen sonderlinghen vrent juncker Ocken to Broke, Auwreke ende Emeden etc., in Oestvreeslant hoefftlinghe, guetliken ghescreven.
Eersame lieve juncker, so one hefft ghescreven juwe lieffte van dat dachvert, dat latest to Oldenborch wart gheholden omme hentoleggen de twidracht ende schelinghe, de weren tusschen der stad van Bremen, juw ende Sybeth, daer gy scriven, dat gy juwe vrende vulmechtich hadden up dat selve dachvert ende wy onsen vulmechtighen sendeboden broder Johan van den hilligen Gheeste, prior to den Jacopinen, daer deselve juwe vrende mit vulbord broders Johannis prioris voirscreven tusschen den stichte, stad van Bremen ende onse stad eyne soene voirrameden, daer gy solden guet voir wesen na utwisinghe der recesse ons daerup van juw ghesant etc., ende alze gy guede vrent mede scriven mit beringhe toe weten offt wy de soene willen holden ende dat juwe begheerte is, dat wy jo holden den vrede went to Paschen, so begheren wy des juwe eersamheyt vrentliken to weten ter antwort, dat wy ons so hebben daer up bespreken, dat wy den vrede jo willen holden went to Paschen, indeen dat de eerwerdighe in Gode vader ende heer, heer Nycolaes arzebiscop to Bremen mit sinen zegele voir zich ende voir syn stichte, ende de van Bremen voir ore stad mit der stad zegele den vrede bevestigen ende ons up een zeker tijt leveren, so willen wy ok mit onser stad zegele de voirbenomeden vrede bezegelen ende em to moeten senden; men van der soene hebben wy ons so nyet besproken, dat wy juw daer yet standachtigen van mogen scriven, so wal als wy juw mundelinghe wal zullen onderichten wannyer juwe vrende ende de onsen vrende by een comen, ende begheren vrentliken dit to ondertasten wes den erwerdigen in Gode vadere voirscr. ende den van Bremen hijr in is to zunre ende ons dat weten te laten ende all up onsen cost. God sy mit juw. Ghescreven in sunte Lambertus avende onder onsen stadsecret.
Borgermeistere ende raed der sind van Groningen.
Eersame lieve juncker, so one hefft ghescreven juwe lieffte van dat dachvert, dat latest to Oldenborch wart gheholden omme hentoleggen de twidracht ende schelinghe, de weren tusschen der stad van Bremen, juw ende Sybeth, daer gy scriven, dat gy juwe vrende vulmechtich hadden up dat selve dachvert ende wy onsen vulmechtighen sendeboden broder Johan van den hilligen Gheeste, prior to den Jacopinen, daer deselve juwe vrende mit vulbord broders Johannis prioris voirscreven tusschen den stichte, stad van Bremen ende onse stad eyne soene voirrameden, daer gy solden guet voir wesen na utwisinghe der recesse ons daerup van juw ghesant etc., ende alze gy guede vrent mede scriven mit beringhe toe weten offt wy de soene willen holden ende dat juwe begheerte is, dat wy jo holden den vrede went to Paschen, so begheren wy des juwe eersamheyt vrentliken to weten ter antwort, dat wy ons so hebben daer up bespreken, dat wy den vrede jo willen holden went to Paschen, indeen dat de eerwerdighe in Gode vader ende heer, heer Nycolaes arzebiscop to Bremen mit sinen zegele voir zich ende voir syn stichte, ende de van Bremen voir ore stad mit der stad zegele den vrede bevestigen ende ons up een zeker tijt leveren, so willen wy ok mit onser stad zegele de voirbenomeden vrede bezegelen ende em to moeten senden; men van der soene hebben wy ons so nyet besproken, dat wy juw daer yet standachtigen van mogen scriven, so wal als wy juw mundelinghe wal zullen onderichten wannyer juwe vrende ende de onsen vrende by een comen, ende begheren vrentliken dit to ondertasten wes den erwerdigen in Gode vadere voirscr. ende den van Bremen hijr in is to zunre ende ons dat weten te laten ende all up onsen cost. God sy mit juw. Ghescreven in sunte Lambertus avende onder onsen stadsecret.
Borgermeistere ende raed der sind van Groningen.
