Häuptling Ocko zu Loquard verkauft dem Johanniter Ordenshause Abbingweer 10 Grase Landes im Miedelsumer Hammrich für 70 Arensgulden.

Wytlick unde kundych sy allen guden luden, dye dessen openen breeff seen edder hoeren lezen, dat yck Ocko, tho Loqwert hoftlyng, hebbe voerkofft unde vorkope yeghenwordich yn desser scryft vryes kopes myt guden beraede unde myt myner moder Dedde wyllen ende fulboert dem commelduer, here Ayden tho Abingweer, unde synen[*] conventesluden 10 graze landes yn Myddelzumra hamryck ghelegen, benamen gheheten Horsawyrde, um 70 Arensgulden, den gulden toe rekenen voer 15 krumsterte, welck ghelt my Ocko vorscreven wal ys betaelt, dye erste pennynck myt dem lesten; unde yck Ocko voerbenamet doe vrye leverynghe dezes landes den vorscreven commelduere here Ayden unde synen[*] conventesluden voer my unde voer mynen vrunden, boren oft ungheboren, utghesecht nye funde unde al arghelyst toe ewyghen daghen. Over dessen kop hebben ghewezen her Francko, toe Uttum kerckhere, unde Beno, provest to Uttum. In merer betugnysse unde oerkunde der waerheit zoe hebbe yck Ocko voerscr. mynen seghel hanghen doen int spatium desses breves. Ghescreven ynt jaer unses Heren M^oCCCC^o unde LVIII, in die commemoracionis animarum fidelium.

x

x

Bestand	Ostfriesisches Urkundenbuch, I
Fol. Nr.	S. 638
Nr	738
Olim	Orig.: Komm. Abbingweer Nr. 11.
Jahr	1458
Datumcode	OmnAni

x

x

x

Kommentar	Siegel: Ein Geharnischter, an dessen rechtem Arm ein Wappenschild mit rechtssehendem Adlerhängt und dessen linker Arm eine Lanze hält. Umschrift:....Ocke capit....Loqu.....

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 738