Hauptseite

Nummer:oub1081

Datum:21. Okt. 1481

Überlieferung:Editie

Fundstelle:Ostfriesisches Urkundenbuch, II, S. 168, nr. 1081

Regest

Kloster Sielmönken nimmt die Priorin und alle namentlich aufgeführten Nonnen des Klosters Koldinne oder 'zur wahren Minne' in seine Gebetsgemeinschaft auf.

Wy broder Johannes van Purmereynde, prior, ende ghemeyne convent to Sylomoniken bi Emede van der Regulier oerde, doen kond mit desen opene brieve, dat al ist sake dat die ewe der naturen ende dat ghebod Godes ons ende alle menschen verbyndet tot onderlingher mynnen, nochtant sijn wy velemeer verbanden totten ghenen sonderlinghe, die onse convent mit gunsten ende weldaden ende bystandicheit ende ynnicheit in den dienste Godes vorderen ende staende holden; ende want die eerbare gheestelike suster Hille ter Lynden, een mater ende moder der gheesteliker susteren ter waerre mynnen of ter Koldynnen, mit allen susteren die n(och) toecomende syn ende die broderscap oetmodelik begherende syn, welke namen hierna ghescreven staen: suster Lucke Graes, suster Swane Bruyns, suster Hille van Wynner, suster Swaen Henrics, suster Wibbe Tecynck, suster Swane Aerndes, suster Jutte van Beveren, suster Hille van Elden, suster Heleken van Oetmersum, suster Griette van Kalker, suster Fenne Groethuys, suster Swaen ter Baerl, suster Aelke Boedekers, suster Griete van Koesfelt, suster Jacob van Kalker, suster Mechtelt van Wesel, suster Mechtelt van Kalker, suster Griet Henries, suster Assel, suster Wobeke van Scutdorp, suster Rixte van Enchusen, suster Griete Beerndes, suster Aelke Johans, suster Fie van Scutdorp, suster Gheertruit van Wesel, suster Mette van Weerden, suster Neen van Koesfelt, suster Kunne van Losser, suster Truede van Warendorp, suster Jutte van Munster, suster Gerdeke van Losser, suster Ghese van Munster, suster Ghebbe van Munster, suster Griete Scotbeke, suster Geertruit Johans, suster Beerte van Oldensel, suster Else van Weerden, suster Fenne Gherdes, suster Mette Grueters, suster Griete Johans, suster Griete Derrics, suster ... van Oldensel, suster Elseke Johans, suster Griete Ludekens, suster Gebbeke Lamberts, suster Elseken Henrics, snster Gebbeke Beernts, suster Tholop, tot ons ende onsen cloester ende broderen sonderlinghe grote mynne ende gunste hebben, daerom hebben wi hoer in onse ewighe broderschap ontfanghen ende maken hoer deelachtich ende gheven hoer mede alsoe vele, alst ons van Gode gegheven wert alle die guede werken, alle die goedesdiensten, alle die myssen, alle die ghetiden ende alle die ghebeden, die men nachtes ende daghes in onse cloester doet ende doen sal van nu in dat eynde der werlt, ende alle die inwendighe gheestelike oefninghe, ynnicheit ende devocie, ende alle die utwendighe oefninghe als vasten, waken, disciplinen, abstinencien, arbeiten, aelmissen, ende voer t alle dat guet, dat men in onsen cloester vermits die hulpe Godes nu doet ende voertmeer doen aal tot ynt eynde der werlt; ende van sonderlingher gracien wille wi daertoe doen dertich sielmissen nae horen doet dien God hillich ende salich moet[*] maken. Ende des sal men ons mit enen brieve vermanen nae hoeren doot. In een tuych der waerheit so hebben wi onses convents secreet an desen brieff gehanghen. Int jaer onses Heren dusent vierhundert een ende tachtentich, opten elfdusent magheden dach.

Recto:

«‹›»