| Nummer:oub1396 | Datum:Grimersum, 5. Juni 1494 | Überlieferung:Editie | Fundstelle:Ostfriesisches Urkundenbuch, II, S. 416, nr. 1396 |
Der Propst und Häuptling Gerald Beninga an Hinte und Grimersum intercedirt bei Bürgermeister und Rath von Emden für Amerman, welcher wegen Verdachts eines Diebstahls dort gefangen gehalten wird.
Deme ersamen vorsichtighen borghermesteren und ghemenen raet van Emden vruntliken ghescreven.
Vruntliken gheghroet und wes ick godes vormach etc. Wetet, leve besunderlingen vrunde, wo wij begheren, dat juwe erwerdicheit wolden laten reysen den Amerman, de syt in juwen be- sate buten syn schult, wente dat vlas, dat Hep Menne und Stuve myn knecht ut Egghe Wynken hues nemen, uns thoquam myt Mennen saligher dechtnisse huesfrowe, nademale dat wy darto seven Rh. gulden an hadden, unde dat ander den Amerman vornoghet hebben und densulften Amerman und Remed Egghen schlichtes mechtich makeden to Groninghen van unser weghen dat goet tho sliten, und dencken vorder den schaden up Egghen vorscr. tho holden wes dat goet heft mijn ghulden to Groningen, dan ijt in Hollant mochte hebben daen, nadem dat Egghe dat goet buten unsen weeten ut den schepe nam, und wes de Amerman t achter in, dat dencken wij ene goetliken tho vornoghen. Hijr an leven vrunden synnet und provet des besten, dat wyllen wij altoes goetliken mijt ju vorschulden. Ghescreven ut Grimarzum, des daghes Bonifacii martyris, int jaer unses Heren Mo CCCCo XCIIIIo.
Gherald Beningha, pravest tho Hinte und hovetling to Grimarzum.
Vruntliken gheghroet und wes ick godes vormach etc. Wetet, leve besunderlingen vrunde, wo wij begheren, dat juwe erwerdicheit wolden laten reysen den Amerman, de syt in juwen be- sate buten syn schult, wente dat vlas, dat Hep Menne und Stuve myn knecht ut Egghe Wynken hues nemen, uns thoquam myt Mennen saligher dechtnisse huesfrowe, nademale dat wy darto seven Rh. gulden an hadden, unde dat ander den Amerman vornoghet hebben und densulften Amerman und Remed Egghen schlichtes mechtich makeden to Groninghen van unser weghen dat goet tho sliten, und dencken vorder den schaden up Egghen vorscr. tho holden wes dat goet heft mijn ghulden to Groningen, dan ijt in Hollant mochte hebben daen, nadem dat Egghe dat goet buten unsen weeten ut den schepe nam, und wes de Amerman t achter in, dat dencken wij ene goetliken tho vornoghen. Hijr an leven vrunden synnet und provet des besten, dat wyllen wij altoes goetliken mijt ju vorschulden. Ghescreven ut Grimarzum, des daghes Bonifacii martyris, int jaer unses Heren Mo CCCCo XCIIIIo.
Gherald Beningha, pravest tho Hinte und hovetling to Grimarzum.
