Boyo Tyarksena zu Osterhusen verbürgt sich für den grösseren Theil des Lösegeldes, welches Ritter Hero für den Knecht Boyo's bei dessen vorläufiger Befreiung aus der Gefangenschaft bestimmt hat.

Edelen leven ghestrenghen heren Hero, ritter, to Ezense, Steestorp unde Wytmunde in Heerlingen hovetlinge, untbede ick Boyo Tyarcksena, to Osterhusen wonafftich, mynen vruntliken groet. Leve ghestrenge here. Lubbert myn olde knecht, bringer dessen breves, hefft my to kennen gheven, wo he unde syn gheselle Wyardt ghenompt syn juwe ghevanghene, unde up eyne summe gheldes syn to hope gheseth, besamen up 26 Rh. gulden; so hefft Lubbert vorscr. 4 Rh. gulden rede, unde vor de nastallige 22 Rh. gulden segghe ich juwe gnade gud vor, indeme ick des vor juwer edelheyt belovet byn ... [*] unde stunde to betalende sunder arghelist in krafft desses breves de tyd to vorlenghende na juwen gnaden willen, unde juwe antword beghere ick van juwer edelheyt by dessen sulven vorscr. De ... unde breves orkunde unde warheyt so hebbe ick Boyo vorscr. ... werdighen meyster (Hil)dericken, mynen kerchheren to Hint, syn i(ngheseghel) to druckende beneden u(pt spa)cium s breves, unde ick Hildericus ker(chere to) Hint (be)kenne, dat ick myn (ingheseghel) umme Boyen bede willen upt spacium (desses br)eves hebbe ghedruckt.
Ghescreven na Christi ghebord M^o CCCC^o XCV^o, in die divisionis apostolorum.

x

x

Bestand	Ostfriesisches Urkundenbuch, II
Fol. Nr.	S. 458
Nr	1448
Olim	Orig. Pap. Grosse Urkundensammlung, Nr. 159.
Jahr	1495
Datumcode	DivApo

x

x

x

Kommentar	Das aufgedrückte Siegel ist nicht mehr zu erkennen.

x

Material	papier

x

Editionen	E. Friedländer, Ostfriesisches Urkundenbuch II (Emden 1881), nr. 1448