| Nummer:oub1521 | Datum:Berum, 30. Jan. 1497 | Überlieferung:Editie | Fundstelle:Ostfriesisches Urkundenbuch, II, S. 526, nr. 1521 |
Graf Edzard weist den Städten Bremen und Hamburg gegenüber die Klage Edo Wiemkens wegen der versäumten Tagfahrt zu Burmönken zurück.
Den ersamen unde wisen borgermesteren unde radtmannen der stede Bremen unde Hamborch sampt unde besundere, unsen bisunderen guden frunden.
Edtzardt, greve tho Oestvresslandt etc.
Post salutacionem. Ersamen unde wisen bisunderen guden frunde. Wy heben juwe scriffte mit ingelachter copien der beclachte Edo Wymmekens to Jhever untfanghen unde na gebore well vorstaen. Alls dan desulve an juwen ersamheiden under anderen sick beclaget, dat wy eynen dach one unde synen frunden, alls nomptliken den mandach vor Andree to Bursmoncken im closter betekent, den he ouck mit den synen gefolget hedde, unde jedoch densulven dach ane wedderscryvinge van der handt geslagen unde nicht geholden schollen hebben na wyder vormeldinghe siner schriffte etc., darin he sick umbillich beclaget, so de warheit on woll anders ys bewust, dat eyner unser huesschriver sick in betekeninghe dessulven dages, de by uns angetekent was des mandaghes vor Thome apostoli, hadde vorsereven, unde onhe den vorgenompten mandach vor Andree vorwittiget;[*] welche irronghe uns leit was unde ungerne seghen, heben ock densulven schryver, so gheringe wy sodannes durch geruchte to weten kregen, derwegene by one to Jhever gehadt umme sine schult selves to bekennen unde to vernemen, offte de genompte Ede Wymeken des dages alls up den mandach vor Thome ouck wolde laten warden; darby he uns wedder dede weten, he sine frunde tiegen de tidt nicht konde by eynnander krighen unde wer der versumynghe halven vorgetten mit deme scryver woll tovreden. Welck wy juwen ersamheiden so guetlichen in antworde up sine schriffte geven to irkennen, unde hedden uns billich eer siner to beclagen van gevanghen, dinxetalle unde ander, he uns mit gewalt baven gheghanghen sone dairvan clairlichen vurmeldende voiruntholdet etc. Gade almechtich gesunt bevalen. Datum Berhum, ame mandaghe na conversionis sancti Pauli, anno XCVIIo.
Edtzardt, greve tho Oestvresslandt etc.
Post salutacionem. Ersamen unde wisen bisunderen guden frunde. Wy heben juwe scriffte mit ingelachter copien der beclachte Edo Wymmekens to Jhever untfanghen unde na gebore well vorstaen. Alls dan desulve an juwen ersamheiden under anderen sick beclaget, dat wy eynen dach one unde synen frunden, alls nomptliken den mandach vor Andree to Bursmoncken im closter betekent, den he ouck mit den synen gefolget hedde, unde jedoch densulven dach ane wedderscryvinge van der handt geslagen unde nicht geholden schollen hebben na wyder vormeldinghe siner schriffte etc., darin he sick umbillich beclaget, so de warheit on woll anders ys bewust, dat eyner unser huesschriver sick in betekeninghe dessulven dages, de by uns angetekent was des mandaghes vor Thome apostoli, hadde vorsereven, unde onhe den vorgenompten mandach vor Andree vorwittiget;[*] welche irronghe uns leit was unde ungerne seghen, heben ock densulven schryver, so gheringe wy sodannes durch geruchte to weten kregen, derwegene by one to Jhever gehadt umme sine schult selves to bekennen unde to vernemen, offte de genompte Ede Wymeken des dages alls up den mandach vor Thome ouck wolde laten warden; darby he uns wedder dede weten, he sine frunde tiegen de tidt nicht konde by eynnander krighen unde wer der versumynghe halven vorgetten mit deme scryver woll tovreden. Welck wy juwen ersamheiden so guetlichen in antworde up sine schriffte geven to irkennen, unde hedden uns billich eer siner to beclagen van gevanghen, dinxetalle unde ander, he uns mit gewalt baven gheghanghen sone dairvan clairlichen vurmeldende voiruntholdet etc. Gade almechtich gesunt bevalen. Datum Berhum, ame mandaghe na conversionis sancti Pauli, anno XCVIIo.
