| Nummer:oub1608 | Datum:10. Okt. 1498 | Überlieferung:Editie | Fundstelle:Ostfriesisches Urkundenbuch, II, S. 592, nr. 1608 |
Die Rathgeber von Butjadingerland beklagen sich beim Grafen Edzard, dass er die vorgeschlagene Zusammenkunft an der Ahm nicht beschickt habe und beschweren sich über einen Unterthan Folefs von Inhusen, der einen Raubzug in ihr Gebiet gemacht hat.
Deme eddelen unde wolghebornen heren unde graven Edtzarde, graves tho Ostfreslande, unssen besundern ghudem frunde, vruntliken detur.
Unsen fruntliken grueth thovoren. Eddele wolgheboren here. Wy voghen juwen gnaden fruntliken wethen nach lude juwer scrifften kortliken vorleden an uns benalet, meldende juwe sendebaden unde wulmechtighen myth uns up de Aen tho schickende unde des gheleyde ende velicheit an den erbaren Folleff tho Inhusen tho sendende etc., deme wy so ghedaen hebben an Folleff, unde des negesten dinxtaghes na Francisci martiris[*] unses landes fulmechtighen up de Aen gheschicket, juwer gnaden sendebaden daer entwachtende den dach tome avende, unde de juwe nycht vornemen, unde daer de unse na rechte wolden varen unde alle dynck na uthwisinghe der olden beseghelden breven, by juw vorwareth, fruntliken unde leffliken gheendeghet hebben wolden, bidden daerumme ock fruntliken, juwe ghnade sodane dingher vredesamighen unde fruntliken willen up wedersdaghe lathen bistan, so wy uns denne noch gherne ghutliken myth juwen ghnaden willen vordreghen. Furder, eddele here, voghen wy juw klegheliken tho kennende van weghen des erbaren Folleffes tho Inhusen undersathen, den by namen Ive Heer Edesson, de yn nachtslapender tydt myth Folleffes vorb. deneren unde undersathen ys ynghevallen an unse lanth ynth kerspel tho Blexen, daeruth ghenamen 14 stucke perdes baven ere unde recht; des wy nicht vorhapen myth juwen ghnaden so ihn staende unde wesende, wenthe thoe vorb. klaghe vormeende an unse landt ynt kerspel tho Blexen tho hebbende, des he myth den unsen na rechtem rechte ghedelet unde scheden was, unde dath recht bewillede unde annamede na unseme landtrechte, welker recht he nycht fullentaghen offte entfanghen hefft. Ist hyrumme unse fruntlike bede, ghy et so willen doen bistellen, Folleff synen undersathen so berichte, den unsen ere ghenamene perde wedder moghe werden, wenthe synen undersathen Iven vorb, schal alleweghen wes recht ys, als se scheden unde delet synth, weddervaren. Hyr begheren wy juwe gnade uns gunstich anne tho wesende, dat wy alleweghen myth den besten willen vordenen. Gade deme Heren bevalen. Ghescreven under unsen landes secrete, anno etc. XCVIIIo, des daghes Gereonis martiris. Begheren desses juwer gnade scrifftighe antwordt.
Radtghevers des landes tho Buthjaden.
Unsen fruntliken grueth thovoren. Eddele wolgheboren here. Wy voghen juwen gnaden fruntliken wethen nach lude juwer scrifften kortliken vorleden an uns benalet, meldende juwe sendebaden unde wulmechtighen myth uns up de Aen tho schickende unde des gheleyde ende velicheit an den erbaren Folleff tho Inhusen tho sendende etc., deme wy so ghedaen hebben an Folleff, unde des negesten dinxtaghes na Francisci martiris[*] unses landes fulmechtighen up de Aen gheschicket, juwer gnaden sendebaden daer entwachtende den dach tome avende, unde de juwe nycht vornemen, unde daer de unse na rechte wolden varen unde alle dynck na uthwisinghe der olden beseghelden breven, by juw vorwareth, fruntliken unde leffliken gheendeghet hebben wolden, bidden daerumme ock fruntliken, juwe ghnade sodane dingher vredesamighen unde fruntliken willen up wedersdaghe lathen bistan, so wy uns denne noch gherne ghutliken myth juwen ghnaden willen vordreghen. Furder, eddele here, voghen wy juw klegheliken tho kennende van weghen des erbaren Folleffes tho Inhusen undersathen, den by namen Ive Heer Edesson, de yn nachtslapender tydt myth Folleffes vorb. deneren unde undersathen ys ynghevallen an unse lanth ynth kerspel tho Blexen, daeruth ghenamen 14 stucke perdes baven ere unde recht; des wy nicht vorhapen myth juwen ghnaden so ihn staende unde wesende, wenthe thoe vorb. klaghe vormeende an unse landt ynt kerspel tho Blexen tho hebbende, des he myth den unsen na rechtem rechte ghedelet unde scheden was, unde dath recht bewillede unde annamede na unseme landtrechte, welker recht he nycht fullentaghen offte entfanghen hefft. Ist hyrumme unse fruntlike bede, ghy et so willen doen bistellen, Folleff synen undersathen so berichte, den unsen ere ghenamene perde wedder moghe werden, wenthe synen undersathen Iven vorb, schal alleweghen wes recht ys, als se scheden unde delet synth, weddervaren. Hyr begheren wy juwe gnade uns gunstich anne tho wesende, dat wy alleweghen myth den besten willen vordenen. Gade deme Heren bevalen. Ghescreven under unsen landes secrete, anno etc. XCVIIIo, des daghes Gereonis martiris. Begheren desses juwer gnade scrifftighe antwordt.
Radtghevers des landes tho Buthjaden.
