| Nummer:oub1677 | Datum:Acquapendente, April 1244 | Überlieferung:Editie | Fundstelle:Ostfriesisches Urkundenbuch, II, S. 645, nr. 1677 |
Kaiser Friedrich II. gestattet auf Bitte des Grafen Otto von Vlotho, dass dessen Reichslehen in Friesland nach seinem Tode von dessen Ehefrau Sophia und dessen Tochter lebenslänglich besessen werde.
Fredericus Dei gratia Romanorum imperator semper augustus, Jerusalem et Sicilie rex, per presens scriptum notum fieri[*] volumus universis imperii fidelibus, tam presentibus, quam futuris, quod comes Otto de Flotowe, [*] dilectus consanguineus et fidelis noster, nostre celsitudini supplicavit, [*] quatenus feodum in Frysia[*] situm, quod a nobis et imperio tenet, uxori sue Sophie et filie, quam ex ipsa suscepit, fidelibus nostris, si eum ipsis premori contingeret, ad vitam utriusque earum successive tenendum concedere de nostra gratia dignaremur: nos igitur attendentes puram[*] fidem et immensam devotionem, quam idem comes ad excellentiam et imperium gerit, necnon grata valde et fidelia servitia, que culmini nostro exhibui[*] incessanter, suis supplicationibus grato concurrentes assensu[*] idem feodum predictis uxori sue et filie, si eum ipsis premori contingeret, ad vitam utriusque earum successive tenendum de liberalitatis nostre munificentia duximus concedendum, presentis scripti mandantes edicto, quatenus nullus sit, qui eas in predicto feodo contra presentis concessionis nostre paginam temere impedire vel molestare presumat; quod qui presumpserit, indignationem nostri culminis se noverit incursurum. Ad huius igitur nostre concessionis futuram memoriam et stabilem firmitatem presens scriptum fieri, et maiestatis nostre. sigillo iussimus communiri. Datum apud Aquam pendentem, anno dominice incarnationis Mo CCo quadragesimo quarto, mense Aprili, secunde indictionis.
