| Nummer:oub1679 | Datum:Bremen, 23./29. April 1273 | Überlieferung:Editie | Fundstelle:Ostfriesisches Urkundenbuch, II, S. 647, nr. 1679 |
Erzbischof Hildebold von Bremen verschreibt der Adelheid, Frau des Ritters Gerhard von Gropelinge, sechs Mark jährlicher Hebung in seinem Hofe zu Jever für die zwischen Langwedel und Bremen gelegenen Güter, welche beide Eheleute und ihr Sohn Gerhard ihm und seiner Kirche geschenkt haben.
H., Dei gracia sancte Bremensis ecclesie archiepiscopus, omnibus hoc scriptum visuris salutem in Domino. Noverint universi, quod dominus Gerardus de Gropelinge, miles, et domina Alheidis, uxor sua, et Gerardus, ipsius filius, nobis et ecclesie nostre donaverunt ac resignaverunt omnia bona ipsorum inter Lancwedel et Bremam sita et alias, ubicunque habuerint, cum mancipiis utriusque sexus ac omnibus aliis pertinenciis suis in perpetuum possidenda; qua donatione recepta promisimus nomine nostro et ecclesie nostre predicte domine Alheidi sex marcas Bremensis argenti de curia nostra Jevere vel alias de bonis episcopalibus singulis annis temporibus vite sue, que sibi dabuntur in vigilia beati Willehadi, patroni nostri. Testes aderant B. comes de Welpia, E. decanus, H. cantor et S. prepositus de Zevena, canonici Bremenses; Sifridus et Hinricus de Brema fratres, Gerardus Scole, Hinricus dapifer, Luderas de Hutha, Segebodo de Gropelinge, Reinerus de Bollant, Arnoldus de Nova Terra, milites; Albero pincerna, Abele de Horne, famuli et alii quam plures clerici et laici. Actum Breme, in septimana Misericordia, anno Domini Mo CCo LXXo tercio.
