| Nummer:oub1696 | Datum:15. Aug. 1379 | Überlieferung:Editie | Fundstelle:Ostfriesisches Urkundenbuch, II, S. 659, nr. 1696 |
Ocko tom Brok befreit die Nonnen zu Dykhusen von ihrer Verpflichtung, dem früheren Rektor Liuppoldus der S. Margarethenkapelle daselbst, der ihnen die Kapelle eingeräumt hat, eine jährliche Geldabgabe zu entrichten für das erste Jahr dadurch, dass er dem Liuppoldus vier Beneficien zu Hinte, Aurich, Engerhafe und Marienhafe überlässt.
Ocko Kenisna, miles et dominus terre Brocmannie et Averice, frater Rodulphus, prior in Norda, ordinis Predicatorum, Folkmarus Allana, capitalis in Oesterhusen, necnon frater Folkardus, cantor[*] in Langherna, Premonstracensis ordinis, universis presencia visuris seu audituris salutem et rei geste cognoscere veritatem. Noverint ergo singuli, quorum interest seu interesse contigerit in futurum, quod dominus Liuppoldus, quondam rector capelle sancte Margarete in Dichusen, in renunciacione illius loci et sororum ibidem collocacione, mediantibus discretis viris, cum eisdem sororibus[*] convenit in hunc modum de consensu ambarum parcium libera voluntate mera, quod ipse deberet percipere et habere de dicto loco omni anno certam pensionem reddituum et pecunie summe quantitatem, donec consecutus esset beneficium ecclesiasticum competens per promocionem dicti domini Ockonis et consilium Folkmari prefati, que sibi exhibita; si per eum stare(t) quod non reciperet, extunc dicta annua pensio deberet esse mortua, et temporibus perpetuis annulata. Verumque dictus dominus Ocko volens sublevare prefatas sorores pie propter Deum a solucione gravaminis prescripte pensionis infra primum annum condicionis, prenominato Liuppoldo exhibuit cum effectu quatuor beneficia successive, videlicet in Hinte, in curia Awerichawe, in Utengherahowe et in curia beate Virginis; quare dicte et sepe nominate sorores sint immunes, quite vero et libere ab omni prestacione seu solucione pensionis cuiuscunque seu reddituum quorumcunque dicto Liuppoldo seu alicui nomine sui vel quorumcunque facienda occasione iam prefata. In quorum omnium testimonium premissorum sigilla nostra in efficax et verum testimonium singulorum presentibus sunt appensa.
Datum anno Domini Mo CCCo LXXIXo, ipso die assumpcionis Virginis gloriose.[*]
Datum anno Domini Mo CCCo LXXIXo, ipso die assumpcionis Virginis gloriose.[*]
