| Nummer:par056 | Datum:18 maart 1425 | Überlieferung:Origineel | Fundstelle:Arch. Parochiekerken, inv.nr. 0508, reg. 056 |
Burgemeesteren en Raad in Groningen oorkonden, dat Henrick Vogheler voor hen verklaarde in eeuwige huur overgedragen te hebben aan Roloff Twijstes de hofstede met toebehooren aan de Noordzijde 'van der Langherstraten', waar Roloffs huis op gebouwd is, tegen een jaarlijksche huur van vier goede oude Fransche schilden, met bepalingen omtrent gebruik van naburige gang, de afwatering en nadere aangift der maten van het erf en de gang.
Wy Borgermestere ende Raet in Groningen bekennen ende betugen mit desse dessen openen breve dat voer
ons is ghekomen Henrick Vogheler ende bekande dat he voer hem ende voer zine erffghenamen hefft verhuert
ende to huer ghedaen tot ewiger hure Roloff Twijsters ende sinen erffghenamen de hoefstede daer Roloffs vorscr.
hus uppe staet mit der mede brukinghe des ghanges de gheleghen is tusschen Hilleke Fockens steenhuse ende der
vorscr. hofstede ende mit al oeren to behoer achter ende voer des yaers voer veer gude olde franxsche schilde off
payment dat daor gued voer is in Groningen to betalen jaerlix als een stadrecht is Desse vorscr. hofstede is
geleghen up der noerdzyde van der Langher straten daer Hilleke Fockens steenhues naest byleghet up der oester
syde ende de hofstede sal langk wesen voer vander strate achter ward in dat noerden ses roden twe vote myn
veertyn gaert voete voer de roede ende de voerscr. ganck sal laugher wesen ene rode ende dre vote dan dat voerscr.
steenhus is ende achter also breet wesen als he voer is na der swette vander voorscr. steenhuse ende also ruem
ende wyt wesen daer de zyd doer is achter den vorscr. steenhuse datter twe mannen ene tonne voers mit twen
dragen toeme stocken in ende uut dragen moghen ende de wateringhe sal wesen up der wester syde des ghanghes
by Roloff Twystes huse. Dit orkonde wy mit onser Stad segel Ghegeven inden Jaere ons heren dusent veerhundert
vyffendetwintich des sondaghes to midfasten doe Reynolt Hughinghe. Bryen Klinghe. Henrick ter Bruggen
ende Ditmer Rengers Borgermestere waren onser Stad.
ons is ghekomen Henrick Vogheler ende bekande dat he voer hem ende voer zine erffghenamen hefft verhuert
ende to huer ghedaen tot ewiger hure Roloff Twijsters ende sinen erffghenamen de hoefstede daer Roloffs vorscr.
hus uppe staet mit der mede brukinghe des ghanges de gheleghen is tusschen Hilleke Fockens steenhuse ende der
vorscr. hofstede ende mit al oeren to behoer achter ende voer des yaers voer veer gude olde franxsche schilde off
payment dat daor gued voer is in Groningen to betalen jaerlix als een stadrecht is Desse vorscr. hofstede is
geleghen up der noerdzyde van der Langher straten daer Hilleke Fockens steenhues naest byleghet up der oester
syde ende de hofstede sal langk wesen voer vander strate achter ward in dat noerden ses roden twe vote myn
veertyn gaert voete voer de roede ende de voerscr. ganck sal laugher wesen ene rode ende dre vote dan dat voerscr.
steenhus is ende achter also breet wesen als he voer is na der swette vander voorscr. steenhuse ende also ruem
ende wyt wesen daer de zyd doer is achter den vorscr. steenhuse datter twe mannen ene tonne voers mit twen
dragen toeme stocken in ende uut dragen moghen ende de wateringhe sal wesen up der wester syde des ghanghes
by Roloff Twystes huse. Dit orkonde wy mit onser Stad segel Ghegeven inden Jaere ons heren dusent veerhundert
vyffendetwintich des sondaghes to midfasten doe Reynolt Hughinghe. Bryen Klinghe. Henrick ter Bruggen
ende Ditmer Rengers Borgermestere waren onser Stad.
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0508 |
| Regestnr. | 056 |
| Register Feith | 1509.002.1 |
| Jahr | 1425 |
| Datumcode | Letare |