| Nummer:par231 | Datum:11 mei 1468 | Überlieferung:Origineel | Fundstelle:Arch. Parochiekerken, inv.nr. 0353, reg. 231 |
Amele Umckens en haar zonen Herman en Bernardus verklaren met Lodewick, en Evert Tymenssoene de minnelijke scheiding, door Mense to Stertingehusen, Hako Hemmama, Scholte Takama en Gosen scomaker tot stand gebracht, aanvaard te hebben met betrekking tot nader omschreven goed te Startingehusen, dat wijlen Willem Umckens aan zijn zoon Lodewick en zijn kleinzoon Evert nagelaten heeft.
Wy Amele Unickens Herman ende Bernardus myn sons bekennen ende tugen myt dessen openen breve wo dat wy
loeffliken gudertijliken ende vruntliken gescheyden ende...... in dessen openen breve vrentlike synt geschot myt
Lodewich ende Evert Tymens soene van salige Willem Unickens achter gelaten gude den Lodewich Willems sone
ende Everdes olde vader achter hadde gelaten welke gude de Lodewich ende Evert vorscr. an geervet ende
gestorven synt in wyse ende manere hyr na gescreven. Interste so weren wy ende synnen wy vordragen myt
melkanderen van lande vrentlike ende leefflijke also dat Lodewich ende Evert sullen hebben dat veerde part to
Stertingehusen in den twe fennen ende daer to sess hundert landes vallich lant gelegen in dren stucken provest
Unicke ende Ewe hoefflinge up der zuderzyt ter zwette van twe hundert landes Wytwerder moniken up de wester
zyt ter zwette Item de ander tide hundert Almer Almersma kinderen up de oester zytt ende Uuthusen hilligen up de
wester zyt ter zwetten Item lach twe hundert landes Wytwerder moniken up de oester zyt Almer Almersma
kinderen up den wester zyt ter zwetten Hyr umme dat wy aldus leeffliken ende vrentliken wonnen geschot als uns is
gegeven ende loven wy Amele Herman ende Bernardus vorscr. vor ons ende onse arffgenamen Lodewich ende
Evert vorscr. ende oren erffgenamen dyt vorscr. lant alst hem to deele gevallen is ewelyke ende erfflike
to ewigen tyden ende veerdich to bruken to setten to wisselen to verhuren to vorcopen ende al horen vryen
willen daer mede to doen sunder alle argelist ende nye vunde de dessen breve to hindere mogen komen afgesecht
desse vrentschap hebben tusschen ons beyden perten gemaket Mense to Stertingehusen. Hako Herman Schelte
Takama ende Gosen scomaer Hyr hebben by an ende over gewesen Jennike Almersma ende Hebeko Ack.... wedans
to Uuters ende med.... wedmans wyse hiir to geropen ende gebeden In orkunde dessen warheyt so hebben wy Abele
Herman ende Bernardus vorscr. gebeden her Itzen onsen cureyt to Uuthusen dessen breeff vor ons ende over ons to
besegelen ende ik Itzardus cureyt vorscr. hebbe myn segel gehangen beneden an dessen breeff umme vruntliken
bede wille Amelens, Hermans ende Bernardus Gegeven int jaer ons heren dusent veer hundert ende achtentsestich
des wonnesdages na den soendach Jubilate.
loeffliken gudertijliken ende vruntliken gescheyden ende...... in dessen openen breve vrentlike synt geschot myt
Lodewich ende Evert Tymens soene van salige Willem Unickens achter gelaten gude den Lodewich Willems sone
ende Everdes olde vader achter hadde gelaten welke gude de Lodewich ende Evert vorscr. an geervet ende
gestorven synt in wyse ende manere hyr na gescreven. Interste so weren wy ende synnen wy vordragen myt
melkanderen van lande vrentlike ende leefflijke also dat Lodewich ende Evert sullen hebben dat veerde part to
Stertingehusen in den twe fennen ende daer to sess hundert landes vallich lant gelegen in dren stucken provest
Unicke ende Ewe hoefflinge up der zuderzyt ter zwette van twe hundert landes Wytwerder moniken up de wester
zyt ter zwette Item de ander tide hundert Almer Almersma kinderen up de oester zytt ende Uuthusen hilligen up de
wester zyt ter zwetten Item lach twe hundert landes Wytwerder moniken up de oester zyt Almer Almersma
kinderen up den wester zyt ter zwetten Hyr umme dat wy aldus leeffliken ende vrentliken wonnen geschot als uns is
gegeven ende loven wy Amele Herman ende Bernardus vorscr. vor ons ende onse arffgenamen Lodewich ende
Evert vorscr. ende oren erffgenamen dyt vorscr. lant alst hem to deele gevallen is ewelyke ende erfflike
to ewigen tyden ende veerdich to bruken to setten to wisselen to verhuren to vorcopen ende al horen vryen
willen daer mede to doen sunder alle argelist ende nye vunde de dessen breve to hindere mogen komen afgesecht
desse vrentschap hebben tusschen ons beyden perten gemaket Mense to Stertingehusen. Hako Herman Schelte
Takama ende Gosen scomaer Hyr hebben by an ende over gewesen Jennike Almersma ende Hebeko Ack.... wedans
to Uuters ende med.... wedmans wyse hiir to geropen ende gebeden In orkunde dessen warheyt so hebben wy Abele
Herman ende Bernardus vorscr. gebeden her Itzen onsen cureyt to Uuthusen dessen breeff vor ons ende over ons to
besegelen ende ik Itzardus cureyt vorscr. hebbe myn segel gehangen beneden an dessen breeff umme vruntliken
bede wille Amelens, Hermans ende Bernardus Gegeven int jaer ons heren dusent veer hundert ende achtentsestich
des wonnesdages na den soendach Jubilate.
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0353 |
| Regestnr. | 231 |
| Register Feith | 1468.016.1 |
| Jahr | 1468 |
| Datumcode | EpJubila |