Wyetke, weduwe van Menoldt, wonende te Raswert verklaart verkocht en overgedragen te hebben aan Berent van Oldenseell twee jukken land gelegen 'up Raswerter mede'. 'In oerkunde der waerheijt soe hebben hyer an ende over ghewest guede deenghesluede als Dyveke te Raswert ende Wyert in der tyet weddemans to Raswert (ende weddemans wijse hyer to gheropren ende ghebeden.) Mr. Jacob cureet te Raswert voegt hieraan toe dit stuk op verzoek van Wyetke bezegeld te hebben.

Ick Wyetke salighe Menoldes naeghelaten wedue inder tyet wonende to Raswert bekenne ende belye myt dessen
openen ende beseghelden breve voer alle guede lude de hem lesen offte horen lesen woe dat ijck myt vrien wyllen
ende, ghueden voirberaden moe hebbe voerkofft voer my ende myh erffghenamen Berent van Oldenzeel hem ende
sijn erffghenamen in enen steden vasten kope twe jucke landes gheleghen up Raswerder meden in een stuck by
welkeer vors. landt licht Haije Obelens up de noerder sijet ter swette ende Berent vors, sulvest up de suederzijet ter
swette gheleghen voer ene summe gheldes de mij Berent vors, vull ende all ende wall betaelt hefft den eersten
penninck mytten lesten daer mij Wyetke vors. wall an ghenoghet In Oerkunde der waerheyt soe hebben hij an ende
over ghewest guede deenghes luede als Dyveke to Raswert ende Wyert inder tyet weddemans to Raswer ende
weddemans wyse hyer to gheropen ende ghebeden Ende in eenre merer vestenisse voer alle arghelist ende quaede
nije vonde soe hebbe yck Wyetke vors. ghebeden den Eerbaren mester Jacob unse Kerckheer inder tyet
dessenbreeff over mij to beseghelen Ende yck Jacobus Cureet vors, gheerne hebbe ghedaen umme bede wille
Wyetkens vors, ende hebbe myn seghel ghehanghen beneden an dessen breeff inden jare uns heren dusent
vyeffhundert ende dree up sunte Alexiusdach confessoris.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0526
Regestnr.	502
Register Feith	1503.003
Jahr	1503
Datumcode	Alexii

x

x

x

x

Material	perkament