Burgemeesteren en Raad in Groningen oorkonden, dat Roleff Luchtinck en Stine echtel. voor hen verklaarden verkocht en overgedragen te hebben aan gemeene priesters Onser Lever Vrouwenkerk ter Ae een jaarlijksche rente van 6 Arns. gulden, te beuren op O.L.V. lichtmissen uit hun drie Kamers ten Noorden bij der Ae tusschen de ' Nijerbruggenpoerte'en stadsmuur, en andere goederen, met bepaling omtrent wederinkoop dezer rente; dat mr. Geert van Pruessen, vicarius van het st. Jacobi altaar van voorn. kerk aan genoemde priesters dezer rente heeft geschonken onder last hiermee 3 nader aangeduide memorien, elk van een klein pond was, te houden, en het overblijvende onder de gemeene priesters, die de 'weke voorwaren 'in voorn. kerk, en bij deze diensten aanwezig geweest zijn te verdeelen, dit laatste te doen door den vicarius van St. Jacobi altaar.

Wy Borgemester ende Raedt in Groningen betuegen mit desen openen breve dat voer ons sint gekomen Roleff
Luchtinck ende Stine syn echte huesfrouw ende bekanden voer hem ende hoeren erfgenamen dat se hebben vorcoft
upgedragen ende overgegeven den gemenen preesteren onsen leven vrouwen karcken ter Ae in Groningen ende
oeren nacomelingen ses arnss gulden arfliker renten tyn onser Stadt stuvers voer datum sbreves gemuntet ofte
payment dat dair guet voer is voer elcken gulden gerekent iaerlix to onsen leven vrouwen Lichtmissen missen
tbetalen To boeren ende to manen uuth hoer dre kameren ten moerden by der Ae gelegen tusschen der
Nyenbruggen poorten ende der Stadt mueren ofte uuth oer hues dair Roloff ende Stine nu inne woenen dat hem
tohoert Ende voert uuth alle oeren guederen bynnen ofte buten Groningen oick wair de gelegen moogen wesen ende
vry erfliken dair uuth to waren ofte vry scadeloes geldt mit wat rechte den presteren vorgen. belovet intomanen
voer ene summe geldes de Roleff ende Stine vers. bekanden hem vul ende all betaelt is. Hyr is togesproken dat
Roleff ende Stine vorgen. ofte oeren erfgenamen desse vors. renten all tyt wanneer hem des genoget moegen weder
vry ende quyt kopen mit hundert arns gulden vers. payments ende mitter vullen renten Welcke ses arns gulden
renten vors. heft mester Geert van Pruessen vicarius sunte Iacobi altaers der kercken vorgen. den preesteren vorgen.
gegeven dair men hem syn vader Peter ende Wemelen syn moder van Pruessen ende syn broder Theris van
Pruessen saliger gedachtenissen des naesten son dage dage voer den achtensten dach in Martio mit dre clene
punden wasses inder kercken vorgen. tot ewigen dagen sal begaen ende wat ader dan overblivet van de renten
vorgen. sullen de gemene preesteren welcker de weke vorwaren in de vors. kercken tsamen delen by also dat
wanneer men de iairtyden vorgaen holt sullen alle de preesteren teren des avonds to vigilie komen oick mede to
grave gaen ende des anderen dages misse dhoen ende wel der ene vorgen. sunder ene vorgen. sunder noetsaken
vorsumet sal syn halve presentie misten. Ende welt alle vorgen. vorsumet sal syn hele presentie misten Ende dit
vorgen. sal verwaren, manen ende delen to ewigen dagen als vors. is salige mester Geerdes nacomelinge vicarii
sunte Iacobs altaers an der vors. karcke sunder argelist. Dat orkunde wy mit onser Stadt Segel Gegeven inden iare
onses heren dusent vyffhundert ende soeventyn up dage Marie Magdalene do Coert Coenrades, Peter Sickinge.
Reynt Duers ende Lubbert Clant Borgemesteren weren onsen Stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0522
Regestnr.	645
Register Feith	1517.006
Jahr	1517
Datumcode	MarMag

x

x

x

x

Material	perkament