Berent Coenrades, amptman in het gericht van Selwerd en Evert Coenrades, kinderen van wijlen de gebroeders Johan en Henrick Coenrades, verklaren ten aanzien der testamentaire verplichtingen tot zekere uitkeeringen uit eenige goederen te Helpman aan de 'armen upp der straten' en aan bepaalde priesters der St. Mertens en O.L.V.kerk, door hun vaders indertijd met den abt en het convent van Aedwert, als erfgenamen van Johan Herdebrinck aangegaan, met goedkeuring van de pastoors der St.Merten en St. Wolburghckerk; Wilhelmus Ffrederici, persona personatus en Everhardus Janici, doctores, in 't bijzonder van mr. Wilhelmus als commissarius apostolicus der Roemscher gracien ende afflaten der ffabryck sunte Peters Kercken binne Romen en nadere toestemming van mr. Thezo Hugingc, pastoor O.L.V.kerk ter Ae en gemeene priesters der drie kerken, een overeenkomst te hebben gesloten met den vicarius van het St. Barbaren altaar in de St. Mertenskerk, h.t. heer mr. Joest Westvelinghes, en waarvan hier stoklegging voor zeven met name genoemde buren geschiedt, in voege dat de vicarius van voornoemd altaar jaarlijks zal mogen beuren dertien mudden rogge, een halve ton boter, en twaalf Arens gulden, uit het erf van Berent aan de zuidoost 'horne ' van den brink te Helpman , en uit het aangrenzende erf van Evert, elk voor de helft, onder de verplichting van deze rente te bestemmen 12 mud rogge en de halve ton boter voor de armen, 9 Arens gulden voor de priesters van de St. Merten en ter Aekerk, die de diensten bij de jaartijd van Johan Herdenbrink waarnemen, en 1 mud rogge en 3 Arens gulden voor den vicarius van 't altaar, die de uitkeering zal doen, met bepalingen omtrent eventueele aanvulling en weder inkoop der rente.

Wy Berent Coenrades in der tyt Amptman dies gherichtes van Selwerde ende Evert Coenrades twyer broeder
kindere als salighe Johan ende Henrick Coenrades ghebroederen den god ghenade bekennen ende betughen myt
dessen openen breve voer ons ende onsen erffgenamen dat soe alst oseer beyder salighe vaderen vors. in stede, in
naem ende van weghen des weer dighen, heren. des Abts van Aedwert an der tyt an sick ende hoeren erffgenamen
hadden ghenomen jaerlix ende alle iaer des sondaghes voer Michaelis an sunte Wolburghe kercke te deelen den
armen upp der straten achte mudde wyte in brode ende een halve tunne bottenen Ende daer toe eenen ytlicken
prester van sunte Mertens ende onser leven vrouwen kercken in Groningen de des Avendes als salighe Johan
Herdebrinckes jaertyt is toe vigelien kumpt ende des anderen daghes misse doet ende voer salighe Johans vors.
ziele dan truwelicken bidden to gheven eenen Groningher yagher soe als dar alle vors. om salighe Johan
Herdebrinckes vors. testament geschicket ghemaket is ende klaerlycke blyket dat dan onser beyden olderen vors.
van den Abt van Aedwert vors. de myt synen Convente salige Johans vors. erffgenaam was myt den guederen toe
Helpman gheleghen toe ewighen daghen toe doen hadden anghenomen Synt doer verstarff onser olderen vors. de
sulve lasten myt den guederen an ons ghekomen Ende want wy dan vake bevunden hebben by onsen. daghen der
weyte vors. den armen toe deelen quaet ende ungheraekelyk toe bekomen of daer doer dan die armen schade
hadden want oeck der presteren der kercken toe sunte Merten ende onser lever vrouwen vermannichvolden onser
beyder erffgenamen des ghelyken sick oeck breeden daer daer oeck in toe komende tyden ghebreke ende
versumenisse in vallen muchte dat dan en achterdeel ende lasten onser olderen onser erffgenamen zielen komen
wolde hebben daer omme by raet weten wille ende consents der weerdighen ende hoechgheleerden heren ende
Meysteren Wilhelmi Ffriderici persons personarun ende Everhardi Ja rici doctoer ende onser pastoeren toe sunte
Mertens ende sunte Wolburghe kercken vors. Ende sunderlinghe by reset ende beleven des weerdighen Meyster
Wilhelmi vors. in desser tyt Commissarii Apostolici der Roemscher gracien verdraghen myt den Erbaren ende
gheleerden heren Meyster Joest Westnelinghes prester ende vicarii van sunte Barbaren altaer in sunte Mertens
kereke see de selve Johan Herdebrinck vors. den god ghenade de sulve vicarie ghestichtet ende fundert hevet voer
hem ende syn levent lanck ende na synen dode toe ewighen daghen alle syne naekoemelingen in der vicarien van
sunte Barbaren altaer vers. ende elck bysunder in syne tyt alle jaer in ew cheit onveriaert toe vrymarket offte
nativitatis beate Marie virginis sall ende Soelen moeghen manen ende boeren dertyn mudde gueden drughes ende
schones rogghes ende een halve tunne botteren uuut onser beyder erven myt all hoeren toe behoer soe, die
gheleghen sint in den kerspell van Helpman ende daer toe alle jaer Martini offte nativitatis christi Twaleff
arent gulden payment als in tyt der betalinghe in Groningen ganck ende gane is jaerlix ewelick ende erfflick daer
vry uuut toe waren myt dusdane bescheede dat de eene helffte neemlick sovendehalff mudde roggen een verendeel
botters ende sess arens gulden jaerliken ende erfflicken renten Soelen gaen uuut myn Berendes vors. arve ende sal
ick ende myn erffgenamen daer wut waren ende dit arve is gheleghen an der suuet oester horne van den brincke
Ende de ander soevendehalff mudde rogghen een verendeel botteren ende sess arens gulden vors. soelen ghaen uuut
myn Everdi vors. arve ende soelen ick ende myn erffgenamen daer uuut vrij waren Ende dyt arve is gheleghen oeck
int zuden van den brincke ende in dat westen van Berenden myns nevens vors. arve Ende offte de rogghe ende
bottere vors. upp de vors. tyt sunder recht neet betaelt en worde so mach de Vicarius vors. inder tyt van sunte
Barbaren altaer de rogghe ende bottere upp dat merket kopen ende upp de benoemde tyt an sunte Wolburghe kercke
offte andersrupp eenighe beleghen plaetse deelen ende wat dan de rogghe ende botter ghekostet hebben mach hie
syn schadeloes ghelt myt synen slichten woerden ghegroetet daer men dan gheen teghen segghen an hebben sal myt
wat rechte gheestelick offte warlick soe den vicario in der tyt dan best gheleven sall sunder unsen offte onsen
erffgenamen oevelen moet offte quaden wille Oeck mach de vicarius in der tyt alle dat vors. is manen van ons
onsen erffgenamen offte den meyer bruker der guederen vors. oeck tot synen koer daer dan wy ende onsen
erffgenamen de vors. renten altyt in ewicheit uuut waren soelen ende willen als vors. is Her is mede an bekalt ende
van den vors. weerdighen heren pastoren voer hem ende hoeren presteren ende naekoemelingen om sund rlinghe
gunst ghegunt ende to ghestaen dat wy Berent ende Evert Coenrades vors. offte onsen erffgenamen na allen tyden
als ons dat enen kumpr elck onse sess arens gulden jaerliken renten vors. moeghen weder aff vry ende quyt kopen
myt dree ende dertich koervorster overlantsche gulden etc. guet van golde ende swaer van ghewichte ende myt
anders ghenen gheldes ende mytter vuller renten ende anders neet De rogghen ende botter renten soelen toe
ewighen daghen bliven ten weer dan sake dat wy Berent, Evert offte onsen erffgenamen vors. in toe komende tyden
toe samen offte elck bysunder den weerdighen here pastoeren vors. offte hoeren naekoemelingen de sulve ewighe
renten vors. up enighe ander plaetsen konden bewisen daer den sufven pastoren dan duchte de renten wal bewaert
ende gheleghen to syn ende anders neet. Hyr is mede by bevorwerdet dat de Twaleff mudde rogghen renten ende de
halven tunne botteren vors. soelen toe ewighen daghen bliven ten weer dan sake dat wy Berent Evert offte onsen
erffgenamen vors. in toe komende tyden toe samen offte elck bysunder den weerdighen heren Pastoren vors. offte
hoeren naekoemelingen de sulve ewighe renten vors. up enighe ander plaetsen konden bewisen daer der sulven
pastoren dan duchte de renten wal bewaert ende gheleghen to syn ende anders neet. Hyr is mede by bevorwerdet
dat de Twaleff mudde rogghen renten ende de halve tunne botteren vors. soelen toe ewighen daghen bliven voer
den armen wo vors. is ende dat dertynde mudde sall wesen voer den vicarium in der tyt voer syn arbeyt Ende de
negen arens gulden renten van den twaleven vors. soelen wesen voer de presteren toe sunte Merten ende ter-Ae
kercken die to vigilie komen ende misse doen als vors. is ende die dree soelen wesen voer den vicarium van sunte
Barbaren vors. Ende voer dat mudde rogghen ende dre arens gulden renten vors. sal de vicarius vors. gheholden
syn de delinghe alle jaer toe doen des maendaghes voer offte nae sunte Michael als vors. is Ende dat alle alst vors.
is ende en ytlick besunder dat ons an komen mach hebben wy Berent ende Evert Koenrades vors. voer ons ende
onsenerffgenamen belevet ende to ghestaen ende in kracht dessen breves beleven ende toe staen ende hebben daer
omme van allen als van dertyn mudde rogghen een halve tunne botteren twaleff arens gulden jaerlicks ende ewigher
renten vors. samentlike den stock daer van ghelecht voer soeven buren ende guede mannen als. Hugo Luffinck,
Bodeken Tenghenaghel, Johan Drent, Johan Smyt Ryske Egbert Egberdes, Johan Schroeder ende voele andere
gue e manne ghenoech als lantrefht ende ghewoente is in de gherichte van Selwert Ende ick Wilhelmus Ffrederici
persona ende Commissarius der Pawesliken gracien ende afflaten der ffabryck sunte Peters kercken binnej Rome
want Berent ende Evert vors. by mynen rade to der sulver ffabryck ghegeven ende ...........hebben hebbe ick. daer
omme uuut Pawesliker macht de ick daer in ghebruke dit alle wo vors. is toe ghelaten gheorlofft ende belevet Ende
wy Wilhelmus ende Everhardus pastoren vors. voer ons onse presteren ende naekoemelingen ende mede
vanweghen de weerdighen ende hoechgeleerden Meyster Thezonis Hughinge pastoers to onser lever vrouwen
kercke ter Ae ende synen presteren uuut hoeren bevell hebben dat al als vors. is soe mede ................... ende toe
ghestaen beleven ende toe staen sunder arghelist. In Orkunde der warheit hebben wy Berent ende Evert Coenrades
vors. voer ons ende onsen erffgenamen ende ick, Wilhelmus Ffrederici Commissarius vors. mynen commissien
Ende wy Wilhelmus Everhardus ende Thezo pastoren vors. vonsen Seghelen benedeh an dessen breeff ghehangen
In den jaer onses heren dusent vyffhundert Soeventyne des Saterdaghes nae Katherine virginis et martiris.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0533
Regestnr.	648
Register Feith	1517.005
Jahr	1517
Datumcode	SpCathar

x

x

x

x

Material	perkament