Burgemeesteren en Raad in Gronynghen oorkonden, dat dr. Evert Jarghes en mr. Geerdt Drael anders Pistoris, vicarius en kapellaan, beide der St. Mertenkerk voor hen als executeurs testamentair van mr. Bernt ter Aert in leven kapellaan en vicarius in genoemde kerk, verklaarden overgedragen te hebben aan de pastoors en gemeene priesters der St. Meerten en St. Walburgenkerk de jaarlijksche rente van 6 Arn. gulden, waarvan de brief spreekt waardoor deze brief getransfigeerd is, met last voor den procurator der priesters deze rente aan mr. Berend 's zuster Jutte Jalinghc 'profesti suster tho den geestlijken mageden' gedurende haar leven uit te keeren, en daarna onder de voornoemde pastoors en priesters op Berend's jaartijde tot koorpenningen te verdeelen.

Wy Borghermesteren ende raedt yn Gronynghen bekennen end betughen myt dessen openen breve dat vor uns synt
gekomen de weerde end hoechge leerde Mester Evert Jarghes doctor end pastoer end mester Geerdt Drael anders
Pistoris vicarius end Capellaen der karken tho Sunte Merten in unser Stadt end bekanden dat se als executores yn
achtervolch des testaments end laeste wylle salighen Mester Bernts ter Aert eertydes Cappellaen end vicarius der
vorscr. karcken den godt gnedych sy hebben upgedraghen end overgegeven yn cracht desses breves den pastoren
end gemenen presteren der beyder karcken tho sunte Meerten end sunte Walburgen alhyr end hoeren
nakomelynghen alsodane ses arnsgulden jaerlyker end arfflyker renten daer de breeff van spreket daer dense breeff
dorch getoeghen ys allen formen end maneren als de daer van ynholdet end uuthwyseth de welke ses gulden renten
de procurator der vorscr. pastoren end preesteren yn der tydt alle Jaeren manen end upboren sall nae lude des breves
end de selven ses gulden rente geven end betalen alle jaer suster Jutten zalighe mester Berents vorscr. suster tho den
geestlyken mageden een profeste suster hoer levent lanck end nyet langher und nae suster Jutten vorscr. doeth soe
solen de pastoren end gemene preesteren vorgen, ende hoer nakomelynghe de verscr. ses gulden renten tot ewyghen
daghen nae lude des breves hebben end beholden end de selve ses gulden alle yaer up salyghe Mester Berents
vorscr. starffdach vor koer pennynghen delen nae gewoente der kercken vorscr. End vor hem syner broder Mester
Berentz pastoer eertydes tho Noertlaren synes vader end moders ende anderen syner waldaders syelen truwelycken
bydden End weert saeke dat de vorscr. ses gulden renten tot yenyghen tyden aff gelosset woerden so sullen de
pastoren ende preesteren offt hoer na komelynghe dat gelt myt den eersten weder beleggen daert wall belecht ys
end doen end bydden daer voer als vorscr. ys sunder alle argelist dat orkunde Wy myt unser Stadt segel gegeven yn
den jaer uns heren Dusent vyffhundert achtentwyntich up avende Gregorii page do Eltet to Lellens, Lubbert
Konynck, Reynt Albarda end de olde Johan Hoerneken Borghermestere weren onser Stadt.
DORSO: Bartolt Eeltshuys in Poelstrate in norden. VI ar.
Desse breeff is affgelosset ende by Albert Horenkens belecht vide 3 july.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0400
Regestnr.	720
Register Feith	1528.003
Jahr	1528
Datumcode	vGregor

x

x

x

x

Material	perkament