Burgemeesteren en Raad in Groenyngen, doen uitspraak in het nader gestelde geschil tusschen de juffers Blijke tho Lellens, aleijt Valcke en haar zusters, allen kinderen van wijlen Eltet tho Lellens, eischers, en heer mr. Hinricus Wilhelmus, persona en pastoor voor de St. Meertenkerk, gedaagde, betreffende zes grazen land in de Westerhamrik, en wijzen voornamelijk op grond van eenige oude 'regysteren 'door den persona overgelegd, en van het boek van den 'olderman van de hemryke 'genoemde 6 grazen aan het personaatschap in eigendom toe.

Inder schelinghe tusschen de Erbaren Juffer Blijke tho Lellens ende Juffer Alijdt Valcke voer sich ende van
weghen hoer samptlijke Susteren ansprekers ande eene Ende den weerdigen ende Walgeleerden hern mester
Hinricus Wilhelmus persona ende pastoer tho sunte Meerten vorandtwoerder up de ander sijdt heerkomende dat de
Jufferen voerberoert ansprekende weren ses grasen landes de welcke hoeren leven vader Eltet tho Lellens saliger
onder tghetall van soeven ende twijntich grasen anno vijffthijn hundert ende sesthijne in hijlickes vorwerden
mede tho bodell ghegeven ende he oeck de selve stedes sunder enige besperinge ghebruecket vorhuert ende de
huere daer aff komende ontfangen solde hebben uuthgesacht ses Embder gulden nakede renten de de vorscr.
pastoer daer uuth Jaerlixs hebben ende behoeren solde tho entfangen etc. Daer tegens de persona ende pastoer
vorgen. gheallegeert ende ghesacht woe sijn voer sateren personen voer hundert ende twijntich Jaeren neet
ses Embder gulden nakede Renten dan ses postulaetes gulden als huere vanden meijer edder gebruecker der vorscr.
ses grasen landes gheboert ende dat salige mester Willem voer vijfftich Jaeren ses golden gulden salighe doctor
Hugo bij sijnen tijden Twalff Embder gulden Oeck Mester Hinrick selffs ingelijken twalff embder gulden vijff
ijaeren lanck vande selve ses grasen landes ijaerlix entfangen ende ghenoten hadden tselve alszo mijt olden
Regijsteren voer Rechte ghenoechsam bewerende vorthoenende mede des oldermans van der hemrijke boeck
oepentlijck vermeldende mer van een ende twijntich grase landes die den saligen Borgermester Eltet tho Lellens
Ende van ses grasen de der personaetschup inde westerhemrick solden tho khomen dewijle dan nakede Renten sich
neet hedden koenen vormeren offte voranderen musten de questiose ses grase landes uuth Reden voergescr.
noedtsakelijck der personaetschup in eghEndeem tho behoeren ende neet bloetelijck ende allene voer ses embder
gulden nakede Renten verobligeert ende verpandet wesen mijt ander meer woerden ende weder woerden Redenen
ende wederreden tho beijden tsijden gebruecket etc. Hebben wij Borgermester ende Raedt der Stadt Groeningen na
guetlick vorhoer beijder paten (sic) voer Recht ende ordell uuthgesproken Kennende dat wij uuth beijder parten
voergebrachte bescheijdt end bewijss ende in sunderheijt an sehende dat Oldermans vander hemrijken boeck
neet anders koenen bevinden offte der personaetschup upgemeldt behoeren vande ghedachte soevenendetwintich
grasen landes de questiose ses grasen in eeghEndeem thoe onvorscheijden ende ghene nakede edder bloete
Renten daer uuth. Actum den eersten dach Aprilis Anno etc. Soeven ende vijfftich. Dat Oerkunde wij mijt
onsen anhangenden Secreet Szeghell.
DORSO : No. 177. Num. 10. Van de 6 grasen landes buten Botteringe poerte achter den
Rijskamp in Lellense landt dat nhuu verkofft is. actum ammo 1597.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0537
Regestnr.	807
Register Feith	1557.011
Jahr	1557
Datumcode	0104

x

x

x

x

Material	perkament