Wy Borghermester ende Raedt yn Groeninghen betueghen myt desen openen breve dat vor uns ys ghekomen Katrina
salighe Luytken Ensinges naeghelaten weduwe ende bekande vor hem ende hoeren arffgenamen dat he hefft verkofft up ghedraghen ende overghegeven Otte Westebrinck ende synen arffgenamen twe kamers myt de grunt daer se up
staen
buten Poelpoirte upt Olde diep daer Geerdt ende ....... upt noerden ende Heyle ynt holten Wambuys upt zuyden
naest angheswettet syn vry ende quyet arfflicken ende ewlicken tho bruyken tho besitten all synen vryen willen
daer mede tho doen ende vry tho waren vor ene Summe gheldes de Katrina vorgen. bekande dat hoer vul
ende all ys betaelt Sunder argelist dat oirkunde wy myt unsen Stadt Seghell inden jaere unses heren
dusent viffhundert acht ende veertich up elven dusent maegheden avendt do Eltet tho Lellens Everdt
Mepsche Reynt Albarda ende Albart Jarges Borgermester weren unser Stadt.

x

x

Archief	Groninger Archieven
Fonds	Arch. Armhuiszittengasthuis
Toegangsnummer	1377
Inventarisnr.	0712
Regestnr.	352
Register Feith	1548.022
Jaar	1548
Datumcode	vXImVir

x

x

x

Materiaal	perkament