| Nummer:ahs395 | Datum:3 nov. 1561 | Overlevering:Origineel | Vindplaats:Arch. Armhuiszittengasthuis, inv.nr. 0701, reg. 395 |
Wy Borghermesteren ende raedt in Groeninghen betueghen myt desen openen
breve dat voer uns sint ghekomen Lubbert Hinricks Grete syn huesfrouwe ende
bekanden voer hem ende horen arffgenamen dat se hebben verkoft upgedraghen
ende overghegeven Arendt van Oldenzeell Christoffer syn huesfrouwe ende horen
arffgenamen een kamer achter ende voer myt alle hoer thobehoer myt oeck de
Jaermalen nae luedt des pachtbreves daer aff synde staende in Folcke
ringe strate ande wester sydt in Joest steenmesselers ganck daer
Willem korffmakar upt oesten ende de koperen vorscr. selffs upt westen
naest an geswettet sint up saelige Lutgert Volen arffgenamen grundt vry
ende quydt arfflyken ende ewelyken tho gebruken besitten ende yn alles
horen vryen willen daer mede tdoen ende vry arfflyken tho leveren
ende waren voer ene summe gheldes de Lubbert ende Grete vorgen.
bekanden dat hem vull ende all ys betaalt Des loven Arend ende
Christoffer voer hem ende hoeren arffgenamen Jaerlixs toe staen voer de
pacht des grundes vorgen. daer de vorscr. kamer up staet Sunder
argelist Dat oerkunde wy myt unsen stadt Seghell ghegeven
inden Jaeren unses heren dusent vyffhundert eenen tsestich den
darden dach novembris Doe Albert Jarghes Bartolt Coenrades
Sasscher van Heringhz ende Johan Horenken Borghermesteren
weren unsser stadt.
breve dat voer uns sint ghekomen Lubbert Hinricks Grete syn huesfrouwe ende
bekanden voer hem ende horen arffgenamen dat se hebben verkoft upgedraghen
ende overghegeven Arendt van Oldenzeell Christoffer syn huesfrouwe ende horen
arffgenamen een kamer achter ende voer myt alle hoer thobehoer myt oeck de
Jaermalen nae luedt des pachtbreves daer aff synde staende in Folcke
ringe strate ande wester sydt in Joest steenmesselers ganck daer
Willem korffmakar upt oesten ende de koperen vorscr. selffs upt westen
naest an geswettet sint up saelige Lutgert Volen arffgenamen grundt vry
ende quydt arfflyken ende ewelyken tho gebruken besitten ende yn alles
horen vryen willen daer mede tdoen ende vry arfflyken tho leveren
ende waren voer ene summe gheldes de Lubbert ende Grete vorgen.
bekanden dat hem vull ende all ys betaalt Des loven Arend ende
Christoffer voer hem ende hoeren arffgenamen Jaerlixs toe staen voer de
pacht des grundes vorgen. daer de vorscr. kamer up staet Sunder
argelist Dat oerkunde wy myt unsen stadt Seghell ghegeven
inden Jaeren unses heren dusent vyffhundert eenen tsestich den
darden dach novembris Doe Albert Jarghes Bartolt Coenrades
Sasscher van Heringhz ende Johan Horenken Borghermesteren
weren unsser stadt.
x
| Archief | Groninger Archieven |
|---|---|
| Fonds | Arch. Armhuiszittengasthuis |
| Toegangsnummer | 1377 |
| Inventarisnr. | 0701 |
| Regestnr. | 395 |
| Register Feith | 1561.118 |
| Jaar | 1561 |
| Datumcode | 0311 |