Wy Borghermesteren ende raedt in Groeningen betugen myt desen openen breve dat
voer uns sint ghekomen Hinrick Claessen Barbara syn huesfrouwe Harmen Claes
sen Thomas Wessels ende Anna syn huesfrouwe Hinricks ende Harmene vorscr. suagher
ende suster als arffgenamen van saelighe Claes van Awert ende bekanden voer
hem ende horen arffgenamen dat se hebben verkoft upgedragen ende overghegeven Berent
van Swele ende Kathryne syn huesfrouwe oer steeffader ende moeder ende der selver
arffgenamen szodane neghen arens gulden jaerlyker renten daer de breff van
spreckt daer dusse breeff durch ghetogen is vry ende qwydt arfflyken
tho maenen ende boeren in allen formen ende manieren als deselve
breeff daer van inholdt ende uuthwyset voer eene summe geldes
de die voerbenoempten vorgen. bekanden dat hem vull ende all is betaelt
Sunder argelist Dat oerkunde wy myt unsen stadt Seghell Ghegeven
inden Jaren unses heren dussent vyffhundert dreen tsesstich den
thynden dach July Doe Johan Sickinghe, Ghert Hoerenken, Albert
Rolteman ende Joachim Ubbena Borghermesteren weren unser stadt.

x

x

Archief	Groninger Archieven
Fonds	Arch. Armhuiszittengasthuis
Toegangsnummer	1377
Inventarisnr.	0762
Regestnr.	399
Jaar	1563
Datumcode	1007

x

x

Materiaal	perkament