| Nummer:ahs448 | Datum:10 mei 1581 | Overlevering:Afschrift | Vindplaats:Arch. Armhuiszittengasthuis, inv.nr. 0814, reg. 448 |
Wy Borghermesteren ende Raedt der Stadt
Groeninghen doen kundt und betugen in ende
vermits desen openen breve dat voer uns (up
rechtlick erforderentt des Erbaren Fredrick Moij-
steen unsen im Raede Mitvorwanther, vann
wegen der Armhuessitten binnen unsser Stadtt)
persoenlycken erschenen ende gekoemen sint Hebbele
saligen Luythien Frijlinge navorlaten wedu-
we oldt omtrentt -30- Ghese Stellemakers
omtrentt -50- samptt de Ersamen Dominicus
Tasschemaecker over de voerscr. armen mede ge-
swoeren oick 50 ende Benno Sydtsma hoere beehe-
dede Boede omtrent 60 jaren olt synde alle unsen
stadt Ingeseten mithborgeren und borgerschen tugeschreven
loffweerdighe luyden. Ende hebben by hoere hogeste
waerheydt an ehedes statt gerichtlycken affir-
meert getueget ende verclaert erstlyck se getuge
Hebbele waerachtich tho syn woe salige Focke
(de gheweesene huysfrouwe vann Hans Sommer)
des nachtes als se rustede hoeren vorscr. man tho
meermaelen by sich voer hoer doet bedde gevordert
ende hem nitt groeten ernst vermaentt oeck
by syn zielenn zalicheit uperlachtt ende bevoelen
datt he imfall sie afflyvich worden muchte
sulde als dann daetlycken vullentrecken ende na
gaen tgene sie (Focke) em, Hans, bevoelen
hadde, twelck voerscr. Hans syner huesfrouwe up
hoer meermalige anmaninghe, oeck alsoe
steets beloefft ende ontheten gehadt sunder dat
se getuge des tydes wuste in particulier wat
ofte waer van des anderen daeges hefft
se getuge bemelten Hans gefraeghet watt
salighe Focke nae oer verstarvent vorderde mit soe
groeten iver ende ernst vann hem Hans gedaen
tho wordenn daer Hans up gheandtwoerdet dat
syn huysfrouwe saliger den armenhuessitten bin-
nen unsser Stadt nha hoerenn dootllyckenn
affganck besproeken hadde vyftich daeler
de he oer beloeffde tho willenn verrichten ende
betaelen Een tytlanck daernae sehende
sie getuege datt Hans syne guederen begunde
tho verruckenn ende tho verslepenn ende dat he
ghesinnet weert van hyr tho vervaeren ende mitt
syne guederen uptoebreeckenn, heft se getuge
bemelten Hans als hoerenn nabure vermaentt
ende ghevraeget offte he den armhuessitten
alhyr de vyftich daeler achtervolgende zynen
huesfrouwen uterste wille ende ernstlycke
meeninge, oeck syn selfs beloffte ende thosage
all verrichtet hadde daer voerscr. Hans
up geantwoerdet dat de utinge zyner huesfrouwe
hem veele gekostet hadden ende weinich mit ghe-
riedenn gelde versehenn weere, dan dat
he by Juffer Bawe Grawerts hundertt
daeler hinderstendich nae luydt eener Obliga-
tie waer vann he de vyftich daeler verscr.
tott behoeff den armhuyssittenn alhyr
betaelenn wolde. Tueget voerscr. Ghese
Stellemaeckers, woe sie een tijdtlanck voirscr.
Focken Nabuersche gewest. Ende siende dat verscr.
Focken steets zeer neerstich, scheftich ende dedich
wehere umme hoer saken vorwertz to setten
ende hoer ghoederen ann vlytichsten tho vermeheren
heft sie getuege oer wall vermaent alse datt
neet en behoeffde soe tho woelenn derwijlen
se ende Hans geen kynder tsaemen hadden, daer
Focke oer then antwoert up ghegeven dat daer steets
guede luydenn weeren, die wall eets van doende
hadden ende dat sie den armhuyssitten alhyr nha
hoer afflivicheit gesinnet tho begifftigen ende toe be
spreecken vyfftich daeler, waer durch se getuge
bemelten Focke (nu sieck zynde) gefraget ofte sie
den armen oick bedacht hadde daer Focke up ghe-
antwordet, dat se hoeren man Hans Zommer bevolen
hadde vyftich daeler den armhuyssitten binnen
Groeninghen toe gheven ende dat Hans verscr. hoer oick
belovet sulckes na hoer aflivicheit getrowliken to willen
nakomen Verclaren Dominicus Tasschemaker
ende Benno Sydtsma verscr. datt se verstendiget synde
vande verscr. begiftinge sich by bemelten Hans Sommer
(doeter tyt alhyr inder hechte inghetoeghen) in vullen-
treckinge hoeres ehedes gefueget ende hem na die
laeste wille ende meninge zyner huesfrouwe gefraget
hadde verscr. Hans de begiftinge zyner huesfrouwe vande
vyftich daler an deser Stadt armhuessitten becant gestaen
ende hem getugen mitt hande ende munde belovet dat he de
verscr. 50-daler by zyner huesfrouwe den armhuessitten
alhyr besproken tot behoef ende profyt der selver
guedtliken ende ten vullen verrichten ende betaelen wolde, soe
vroe he, Hans, der hechte sulde mogen erlediget zynn
Hyr mitt hoere getuechnisse beslutende dat Oer-
kunde wy mit unsen upgedruckten Signete
Ghegeven den 10en Maij anno XVc een ende tachtentich.
Collationeert tegens synen Originael
versegelden getuechnissen ende daermede
van woerde tot woerden accorderende
bevonden.
per me secretarium Groningensem
[handtekening:] Julsing.
5-11-81.
Groeninghen doen kundt und betugen in ende
vermits desen openen breve dat voer uns (up
rechtlick erforderentt des Erbaren Fredrick Moij-
steen unsen im Raede Mitvorwanther, vann
wegen der Armhuessitten binnen unsser Stadtt)
persoenlycken erschenen ende gekoemen sint Hebbele
saligen Luythien Frijlinge navorlaten wedu-
we oldt omtrentt -30- Ghese Stellemakers
omtrentt -50- samptt de Ersamen Dominicus
Tasschemaecker over de voerscr. armen mede ge-
swoeren oick 50 ende Benno Sydtsma hoere beehe-
dede Boede omtrent 60 jaren olt synde alle unsen
stadt Ingeseten mithborgeren und borgerschen tugeschreven
loffweerdighe luyden. Ende hebben by hoere hogeste
waerheydt an ehedes statt gerichtlycken affir-
meert getueget ende verclaert erstlyck se getuge
Hebbele waerachtich tho syn woe salige Focke
(de gheweesene huysfrouwe vann Hans Sommer)
des nachtes als se rustede hoeren vorscr. man tho
meermaelen by sich voer hoer doet bedde gevordert
ende hem nitt groeten ernst vermaentt oeck
by syn zielenn zalicheit uperlachtt ende bevoelen
datt he imfall sie afflyvich worden muchte
sulde als dann daetlycken vullentrecken ende na
gaen tgene sie (Focke) em, Hans, bevoelen
hadde, twelck voerscr. Hans syner huesfrouwe up
hoer meermalige anmaninghe, oeck alsoe
steets beloefft ende ontheten gehadt sunder dat
se getuge des tydes wuste in particulier wat
ofte waer van des anderen daeges hefft
se getuge bemelten Hans gefraeghet watt
salighe Focke nae oer verstarvent vorderde mit soe
groeten iver ende ernst vann hem Hans gedaen
tho wordenn daer Hans up gheandtwoerdet dat
syn huysfrouwe saliger den armenhuessitten bin-
nen unsser Stadt nha hoerenn dootllyckenn
affganck besproeken hadde vyftich daeler
de he oer beloeffde tho willenn verrichten ende
betaelen Een tytlanck daernae sehende
sie getuege datt Hans syne guederen begunde
tho verruckenn ende tho verslepenn ende dat he
ghesinnet weert van hyr tho vervaeren ende mitt
syne guederen uptoebreeckenn, heft se getuge
bemelten Hans als hoerenn nabure vermaentt
ende ghevraeget offte he den armhuessitten
alhyr de vyftich daeler achtervolgende zynen
huesfrouwen uterste wille ende ernstlycke
meeninge, oeck syn selfs beloffte ende thosage
all verrichtet hadde daer voerscr. Hans
up geantwoerdet dat de utinge zyner huesfrouwe
hem veele gekostet hadden ende weinich mit ghe-
riedenn gelde versehenn weere, dan dat
he by Juffer Bawe Grawerts hundertt
daeler hinderstendich nae luydt eener Obliga-
tie waer vann he de vyftich daeler verscr.
tott behoeff den armhuyssittenn alhyr
betaelenn wolde. Tueget voerscr. Ghese
Stellemaeckers, woe sie een tijdtlanck voirscr.
Focken Nabuersche gewest. Ende siende dat verscr.
Focken steets zeer neerstich, scheftich ende dedich
wehere umme hoer saken vorwertz to setten
ende hoer ghoederen ann vlytichsten tho vermeheren
heft sie getuege oer wall vermaent alse datt
neet en behoeffde soe tho woelenn derwijlen
se ende Hans geen kynder tsaemen hadden, daer
Focke oer then antwoert up ghegeven dat daer steets
guede luydenn weeren, die wall eets van doende
hadden ende dat sie den armhuyssitten alhyr nha
hoer afflivicheit gesinnet tho begifftigen ende toe be
spreecken vyfftich daeler, waer durch se getuge
bemelten Focke (nu sieck zynde) gefraget ofte sie
den armen oick bedacht hadde daer Focke up ghe-
antwordet, dat se hoeren man Hans Zommer bevolen
hadde vyftich daeler den armhuyssitten binnen
Groeninghen toe gheven ende dat Hans verscr. hoer oick
belovet sulckes na hoer aflivicheit getrowliken to willen
nakomen Verclaren Dominicus Tasschemaker
ende Benno Sydtsma verscr. datt se verstendiget synde
vande verscr. begiftinge sich by bemelten Hans Sommer
(doeter tyt alhyr inder hechte inghetoeghen) in vullen-
treckinge hoeres ehedes gefueget ende hem na die
laeste wille ende meninge zyner huesfrouwe gefraget
hadde verscr. Hans de begiftinge zyner huesfrouwe vande
vyftich daler an deser Stadt armhuessitten becant gestaen
ende hem getugen mitt hande ende munde belovet dat he de
verscr. 50-daler by zyner huesfrouwe den armhuessitten
alhyr besproken tot behoef ende profyt der selver
guedtliken ende ten vullen verrichten ende betaelen wolde, soe
vroe he, Hans, der hechte sulde mogen erlediget zynn
Hyr mitt hoere getuechnisse beslutende dat Oer-
kunde wy mit unsen upgedruckten Signete
Ghegeven den 10en Maij anno XVc een ende tachtentich.
Collationeert tegens synen Originael
versegelden getuechnissen ende daermede
van woerde tot woerden accorderende
bevonden.
per me secretarium Groningensem
[handtekening:] Julsing.
5-11-81.
x
| Archief | Groninger Archieven |
|---|---|
| Fonds | Arch. Armhuiszittengasthuis |
| Toegangsnummer | 1377 |
| Inventarisnr. | 0814 |
| Regestnr. | 448 |
| Register Feith | 1581.051 |
| Jaar | 1581 |
| Datumcode | 1005 |