Reynolt de Vos van Steenwick en Alijt van Putten, echtelieden, verkopen aan de abdij van Assen al hun erfgoed en hun grove en smalle tienden in de buurschap te Schoonloo in het kerspel van Rolde voor een rente van 5 Groninger mudden rogge, die de abdij zal geven aan hun dochter Mechtelt van Steenwick, non te Assen, maar die na haar overlijden aan de abdij zal komen. Met verklaring van Reynolts zoon en dochter Henric De Vos van Steenwick en Hadewich Johan des basters wedue van Bijeren, dat zij dit goedkeuren en daarom Henric medezegelt.

Wy Reynolt de Vos van Steenwick ende Alijt van Putten echte wyf Reynolts voerscreven doen kund ende kenlic
allen luden in dessen openen breve dat wy hebben vercofft ende vercopen voer ons ende voer onse erfgenamen eweli-
like [sic] ende erflike joncfrou Wibben Hubbeldinges Abdisse des Cloesters van Assen ende den ghemenen convente
voerscreven also danich erfachtich guet ende tenden grof ende smal als wy hebben in der buerschap to Scheloe gheleghen
in den kerspel van Rolde voer vijf mudde roggen Groningher mate welke mudde voerscreven dat Convente
voerscreven gheven zal onser dochter Mechtelt van Steenwick nonne tot Assen des jaers Ende wanneer onse
dochter voerscreven aflivich wart, zo sullen de vijf mudde voerscreven mede doet wesen, dat wy noch onse erfgenamen
en zullen daer nummermeer an sprake op hebben. Ende van dessen guede voerscreven zulle [sic] wij Reynolt ende
Alijt voerscreven den convente voerscreven rechte waerscap doen voer al de ghene de des to rechte komen willen.
Al arghelijst uut ghesproken. In oerkunde der waerheit zo heb wy Reynolt ende Alijt voerscreven voer ons ende
voer onse erfgenamen onse zeghele van onsen rechten weten an dessen breef ghehanghen. Voert zo bekenne
wij Henric de Vos van Steenwich, Reynolts zoene voerscreven, ende Hadewich Reinolts dochter, Johan des basters
wedue van Beyeren, in dessen openen breve voer ons ende voer onse erfgenamen dat wy al desse punten voer-
ghenoemt stede ende vast holden willen ende daer niet teghen to doene, noch laten gheschien in gheenre
wijs dat den convente voerscreven hinderen mach in dessen guede voerscreven. Daer omme heb ic Henric voerscreven voer
mi ende voer Hadewich miinre zuster ende voer onse erfgenamen, want miin zuster voerscreven ghenen zeghel en
en [sic] hevet, ende om ere bede wille minen zeghel an dessen breeff ghehanghen. Ghegheven int jaer
ons heren M CCCC ende XLII op sunte Jacobs avent des hilighen apostels.

x

x

Archief	Drents Archief
Fonds	Arch. Abdij Assen
Inventarisnr.	34
Regestnr.	49
Jaar	1442
Datumcode	vJacobi

x

x

Commentaar	Met geschonden zegel van H. d. V. v. S. in groene was; de zegels van E. d. V. v. 8. en A. v. P. zijn verloren.

x

Materiaal	perkament
Afmeting (mm)	245/135

x