Johan Hiddinge te Peyse Aelardszone draagt voor buren van Zeyen over aan de abdij Assen 3 tiendmudden rogge en 1 tiendmudde molt uit Westebringegued in de buurschap van Zeyen in de parochie Vries. Met bezegeling door Johan Ebbinge.

Ick Johan Hiddinge to Peyse Aelards zone bekenne ende betughe in dessen openen breve voer my ende voer
myne rechte erffgenamen dat ick myt vrien willen ende gueden berade hebbe verkofft ende verkope ewelike ende
erfflike joncfrou Golden Stellinx abdyssen ende den gheme-nen convents luden des cloesters van Assen ende
horen nakomelingen dree tent mudde roggen ende een tent mudde moltes jaerliker rente over Westebringe gued
to Seyen als dat ghelegen is in der buurschap van Seyen voerscreven ende onder den clocken van Vrees, voer ene summe
gheldes de my wittelick ende wal betaelt is. Ende hiir entendes heb ick Johan voerscreven broder Egberte in der
tyt coepmeyster des cloesters voerscreven den stock van gheleget tot des cloesters behoeff voerscreven voer den
buren van Seyen als lantrecht is ende hiir mede der Abdyssen ende horen conventsluden voerscreven desse
voerscreven tent mudde overghegeven quijt geschulden ende quijt schelden to besitten ende to ghebruken tot ewighen
daghen al so dat ick noch myne rechte erffgenamen to gheenre tijt daer op meer hebben to spreken. Ende ick Johan
voerscreven off myne rechte erffgenamen voerscreven sullen der Abdyssen ende horen cloesters luden hiir van rechte
waerschap doen tot allen tiden voer alle deghene de des to rechte komen willen to lantrechte
woe vake hem des noet is. Al arghelijst uutghesproken. Hiir weren an ende over Otto ter Hanzowe
ende Tideman Avinge als dedingeslude, Otto voerscreven ende Johan Campinge, Johan Ykinge ende
Tide Levinge over dat stock leggen als buur to Seyen voerscreven ende anders gueden lude ghenoech.
In oerkunde der waerheyt so hebbe ick Johan voerscreven ghebeden Johan Ebbinge dessen breeff voer
my ende voer myne rechte erffgenamen to bezegelen want ick selven gheens zeghels en bruke. Ende ick
Johan voerscreven omme bede wille Johans voerscreven hebbe mynen zeghel beneden an dessen breeff ghehangen.
Ghegeven int jaer onss heren dusent vierhondert ende ene ende sestich opp Sunte Philippus ende
Jacobus dach der hilligen Apostolen.

x

x

Archief	Drents Archief
Fonds	Arch. Abdij Assen
Inventarisnr.	106
Regestnr.	78
Jaar	1461
Datumcode	PhiJac

x

x

Commentaar	Met fragment van 't zegel in groene was.

x

Materiaal	perkament
Afmeting (mm)	200/120-125

x