De abdij te Assen draagt over aan Mr. Hugo ten Nuel, Johan Wiferdinge, Hinrick ten Nuel en Katrine ten Nuel haar aandeel in de nalatenschap van Albert Ridder, aan de abdij opgekomen door de kloosterzuster Gertrud ten Nuell.

Wy Reynolt Jarghes Abdisse, Engele Schinckels priorynne ende Leve ten Busch keldersche mit den gemenen senioeren ende conventes
luden des cloesters toe Assen bekennen ende doen kond mit dessen openen breve dat wy voer ons ende onse nakomelingen
hebben verkofft, upgedragen ende overgegeven Meister Hugen ten Nuel, Johan Wiferdinge, Hinrick ten Nuel ende Katrinen
ten Nuel ende hoeren erffgenamen alle alsodanen anpart der erffnissen ende nagelaten guderen repplick ende onrepplick bynnen ende
buten Groningen oeck waer offte waer an dat gelegen mach wesen neet daer van uutgenomen als salige Albert Ridder
nagelaten hevet ende up onse convent van Assen vorgenoemd overmits Gertrud ten Nuell onse mede convents suster verstorven
ende verarvet sint erffliken ende eweliken to bruken ende toe besitten voer ene summe van penningen offte renten de wy bekennen
daer voer ontfangen ende bewisset sint myt zegele ende brieve daer ons wall angenoget. Also dat wy Reynolt abdisse,
Engele priorynne ende Leve keldersche mit onsen gemenen senioeren ende conventesluden vorgenoemd vor ons ende onse nacomelingen
daer up vry ende qwyd schelden Meister Hugen, Johan, Hinrick ende Katrinen vorgenoemd ende oeren erffgenamen tot genen tyden mit ge-
nen rechte, gene meer ansprake van wegen der erffnissen vorgenoemd bet daer omme te doen offte beholden men solen hyr
mede so affgesceiden wesen ende bliven tot ewigen dagen sunder argelist. Dat orkonde wy Reynolt abdisse myt onse
ampts ende wy priorynne ende keldersche mit den gemenen senioeren ende conventesluden vorgenoemd mit onse con-ventszeghe-
len beneden an dessen breeff gehangen. Ghegeven inden jaere ons heren dusent vyffhundert ende vier des dinxedages voer
sunte Bartolomes [sic] dach.

x

x

Archief	Drents Archief
Fonds	Arch. Abdij Assen
Inventarisnr.	49
Regestnr.	121
Jaar	1504
Datumcode	MaBartho

x

x

Commentaar	De 2 zegels van de abdis ("amptszeghel") en 't convent zijn verloren.

x

Materiaal	perkament

x