Otto, minister der ecclesia van Traiectum, staat in eigendom af aan de ecclesia van St. Maria in Runen een huis te Emeser, in gebruik bij Ludolfus Wodan, ministerialis, dooh door dezen met des bisschops goedkeuring aan abt en convent dier ecclesia verkocht, nadat de bisschop schadeloos was gesteld door het goed Gelrukinlant in Eedere in het kerspel van Dalfese, door Ludolfus van den bisschop in leen ontvangen.
In nomine sancte et individue Trinitatis. Otto, Dei gratia humilis sancte Trajectensis ecclesie minister, universis Catholice professionis fidelibus tarn posteris quam modernis notum esse cupimus, quod Symon abbas et conventus ecclesie beate Marie in Runen ad amplificacionem sancte domus Dei, cui praefuerunt, domum quandam in Emeser, quam quidam Ludolfus Wodan, ministeralis sancti Martini et noster, de sancto Martino et nobis tenuit, racionabili convencione et stabili commutacione ab eodem Ludolfo nostra voluntate in id ipsum consenciente accepto restauro sufficienti ab eodem Ludolfo pro eisdem in bonis aliis, que vocatur Gelinkinlant in Redere in parrochia Dalfese, que a nobis tenet in feodo, precio centum et decem librarum Daventrie monete omni contradictione remota comparavit. Nos vero scientes salubre ac fructuosum esse commercium pro eternis temporalia, pro incorruptibilibus caduca commutare, ob remedium anime nostre parentumque nostrorum et spem reconpensacionis eterne eandem terram in Emesere cum decima majori et minori et quidque nostri juris in ea fuit praenominati abbati ad usum ecclesie et fratrum suorum libera donacione ex toto tradidimus et propriam sue successorumque sue potestati perpetuo jure possidendam subdidimus. Et ut hec tarn rationabilis commercii commutacio et nostra donacionis concessio per succedencium temporum diuturna secla rat.et inconvulsa permaneat, hanc cartulam inde conscriptam veritatis nota corroborantes sigilli nostri inpressione jussimus insigniri. At si quis in posterum, quod Deus avertat, spiritu erroris inductus immo seductus hujus tradicionis libertatem impugnare aut irritare vel aliquam praefate ecclesie molestiam ingerere ausu temerario molitus fuerat, gravi anathematis sentencie subjaceaf et quod temptaverit effectu careat. Acta sunt autem hec publice coram ydoneis testibus, quorum nomina subter nota habentur: clerici, Ulramus decanus sancti Salvatoris, Johannes capellanus, Ludolfus decanus in Suollis; layci, Sueherus de Voorst, Stephanus de Hardenber, Gerardus de Hervete, Stephanus Allec et Sueherus frater suus, Stephanus de Lardorpe et Burgardus. Datum anno incarnacionis Domini MCCXLI feria quinta post festum beatorum Petri et Pauli in Suollis.
