| Nummer:dik071 | Datum:10 febr. 1365 | Overlevering:Afschrift | Vindplaats:Arch. Abdij Dikninge, inv.nr. 1, fol. 37v, reg. 71 |
Jacob WYNEKENSsone Putepans schulte te Hasselt oorkondt, dat volgens verklaring van zijn gezworen richter Tydeman TYDENsone op Ywehorstinghevene Johan Sloot, zijne vrouw Jutte en hunne kinderen Volkier, Yde en Beerte voor hem overdroegen aan de abdij van Dickenijnghe eene rente van 6 vierendeel en 3 kop boter uit het goed van Herman ter hofstede in het kerspel van de Ywehorst.
Alien luden, die dessen brief solen sien ofte horen lesen, ic, Jacob Wynekenssone Putepans, scolte to Hasselt, doe kund ende kenlic, dat voer my quam Tydeman Tydensone up Ywehor-
stinghevene, die mijn ghesworen richter was, ende verghichte an my, daer voer oen quamen in enen ghehegheden heymael Johan Sloot, Jutte, sijn echte wijf, Volkier, Yde ende Beerte, oer kindere, ende droghen up den abt van Dickenijnghe ende den ghemenen convente ses vierendeel boteren ende drie cop boteren jaerliker rente, die gheleghen sin over Hermans gued ter Hofstede in den kerspel van der Ywehorst. Ende die ses vierendeel boteren ende drie cop voerscreven sal die abt ende dat convente van Dickenijnghe voerscreven besitten ende ghebruke alle jaer ewelike ende ummermeer sonder yenigherhande ansprake Johan Sloets, Jutten, sijns echten wives, Volkiers, Yden ende Berten vornomt ende oere nacomelinghe sonder arghelist. Hier hebben over ende an gheweest Herman ter Hofstad , Johan ter Hofstad, Wolter ter Hofstad, Heyne ter Hofstad, Johan Goesinghe, Gheert Gheltes ende anders vele gueder lude. In oerkunde der waerheit soe heb ic, Jacob vornomt, dessen breef als richter beseghelt mit minen seghel. Ghegheven int jaer ons Heren MCCC vijf ende tsestich des Manendaghes na sante Aghatendach.
stinghevene, die mijn ghesworen richter was, ende verghichte an my, daer voer oen quamen in enen ghehegheden heymael Johan Sloot, Jutte, sijn echte wijf, Volkier, Yde ende Beerte, oer kindere, ende droghen up den abt van Dickenijnghe ende den ghemenen convente ses vierendeel boteren ende drie cop boteren jaerliker rente, die gheleghen sin over Hermans gued ter Hofstede in den kerspel van der Ywehorst. Ende die ses vierendeel boteren ende drie cop voerscreven sal die abt ende dat convente van Dickenijnghe voerscreven besitten ende ghebruke alle jaer ewelike ende ummermeer sonder yenigherhande ansprake Johan Sloets, Jutten, sijns echten wives, Volkiers, Yden ende Berten vornomt ende oere nacomelinghe sonder arghelist. Hier hebben over ende an gheweest Herman ter Hofstad , Johan ter Hofstad, Wolter ter Hofstad, Heyne ter Hofstad, Johan Goesinghe, Gheert Gheltes ende anders vele gueder lude. In oerkunde der waerheit soe heb ic, Jacob vornomt, dessen breef als richter beseghelt mit minen seghel. Ghegheven int jaer ons Heren MCCC vijf ende tsestich des Manendaghes na sante Aghatendach.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 37v |
| Regestnr. | 71 |
| Jaar | 1365 |
| Datumcode | LpAgathe |