Deken en kapittel der kerk van Steenwyc verklaren, - overeenkomstig de beslissing van Marcilius (pastoor) van Zuutlaer, deken van Drenthia, en Egbertus cureit in Westerhessel, - van de kerk van Beylen voortaan in plaats van den tot dusver geleverden valk 10 loot zilver per jaar te willen ontvangen. Met medebezegeling door den deken van Drenthia.

Universis Christi fidelibus, ad quos presentes litere pervenerint, nos, decanus et capitulum ecclesie Steenwyc, facimus manifestum, quod secundum ordinacionem honorabilium ac discretorum virorum, domini Marcilii de Zuutlaer, decani Drenthie, ac domini Egberti, curati
in Westerhessel , matura deliberacione ac tractatu prehabitis pro falcone, quem petivimus ab
ecclesia de Beylen seu ipsius curato , nobis ab eisdem debito , recipere decrevimus a curato
ecclesie de Beylen prelibato singulis annis in festo beati Martini hyemalis decem pondera argenti
puri, quod quidem argentum dicitur lodichsilver et quorum quodlibet pondus dicitur teutonice
loet, vel valorem dictorum ponderum argenti in pecunia pro tempore currente, et in receptione
predictorum promisimus et in hiis scriptis promittimus pacifice contentari. In cujus rei testimonium
sigillum ecclesie nostre prelibate duximus presentibus apponendum. Et pro majori securitate et
notificacione presencium rogavimus dominum Marcilium prelibatum , ut ipse sigillum decanatus
Drenthie huic scripto apponere dignaretur in testimonium premissorum. Et nos Marcelius de Zuut-
laer , decanus Drenthie predictus , ad rogatum dominorum decani et capituli ecclesie Steenwyc
prenarratorum sigillum decanatus Drenthie una cum ipsis propter majus robur et firmitatem appo-
suimus huic scripto. Datum anno Domini millesimo trecentesimo sexagesimo nono feria secunda
post beati Ponciani martyr is.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 20r
Regestnr.	79
Jaar	1369
Datumcode	LpPontia

x

x

x

Materiaal	perkament

x

Edities	O0568