| Nummer:dik085 | Datum:13 sept. 1371 | Overlevering:Afschrift | Vindplaats:Arch. Abdij Dikninge, inv.nr. 1, fol. 41dr, reg. 85 |
Henric van Echten draagt voor buren van Lede over aan Dideric Buzen, zoon van den blinden Johannes, de halve smalle tienden over diens hofstede in de marke van Leede bij den eschdoorn.
Alien luden, die desen breef zullen zien of horen lesen, doe ic, Henric van Echten, kond ende kenlic, dat ic vor mi selven ende vor mine gherechten erfghenamen vercoft hebbe
ende vercope mil desen teghenwordighen breve den Blinden Johannes sone Dideric Buzen, den halven smalteenden, den wi hadden over sine hofstede, die gheleghen is in der marke to Leede bi den esdoer, om ene summe van ghelde, die ons ende onsen gherechten erfghenamen wittelike ende wal betaelt is. Diese voerscreven smal teende hebbe wi, Henric van Echten, opghedraghen ende draghen op vor dien buren van Lede Dideric Buzen, den Blinden Johans sone voerscreven, ende sinen gherechten erfghenamen ewelic ende ommermeer to besitten ende ghebruken, also een Drenthes lantrecht is, sonder enichgherhande ansprake onses oft enighes menschen, al arghelist uytghesproken ende alle nye vonde ghevonden, die desen voerghescreven Dideric Buzen ende sinen erfghenamen scaden moghen. Voertmeer ware dat zake dat dese breef creghe gate of quessinghe des zeghels, soe solde dese breef wesen allike vast an desen cope vorghescreven. Hyer hebben over ende an ghewesen Laurentius tho Bachuus, Heyns die Blomer ende Frederic Lebbelinghe ende anders vele gueder lude. In oercunde der waerheit soe hebbe ic, Henric van Echten voerscreven, desen breef bezeghelt vor mi ende vor mine gherechten erfghenamen. Ghegheven int jaer ons Heren dusent dreehondert een ende soventich des hilligen Crucis avent Exaltacio.
ende vercope mil desen teghenwordighen breve den Blinden Johannes sone Dideric Buzen, den halven smalteenden, den wi hadden over sine hofstede, die gheleghen is in der marke to Leede bi den esdoer, om ene summe van ghelde, die ons ende onsen gherechten erfghenamen wittelike ende wal betaelt is. Diese voerscreven smal teende hebbe wi, Henric van Echten, opghedraghen ende draghen op vor dien buren van Lede Dideric Buzen, den Blinden Johans sone voerscreven, ende sinen gherechten erfghenamen ewelic ende ommermeer to besitten ende ghebruken, also een Drenthes lantrecht is, sonder enichgherhande ansprake onses oft enighes menschen, al arghelist uytghesproken ende alle nye vonde ghevonden, die desen voerghescreven Dideric Buzen ende sinen erfghenamen scaden moghen. Voertmeer ware dat zake dat dese breef creghe gate of quessinghe des zeghels, soe solde dese breef wesen allike vast an desen cope vorghescreven. Hyer hebben over ende an ghewesen Laurentius tho Bachuus, Heyns die Blomer ende Frederic Lebbelinghe ende anders vele gueder lude. In oercunde der waerheit soe hebbe ic, Henric van Echten voerscreven, desen breef bezeghelt vor mi ende vor mine gherechten erfghenamen. Ghegheven int jaer ons Heren dusent dreehondert een ende soventich des hilligen Crucis avent Exaltacio.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 41dr |
| Regestnr. | 85 |
| Jaar | 1371 |
| Datumcode | vExaCru |