| Nummer:dik102 | Datum:13 mei 1377 | Overlevering:Afschrift | Vindplaats:Arch. Abdij Dikninge, inv.nr. 1, fol. 28v, reg. 102 |
Johan Menssing van Haren en Godicken van Echten geheeten van Haren beloven binnen 6 weken te zullen overdragen aan de abdij van Dickenijnghe hun erf o.a. te Altinghe en te Rossinghe te Halen in het kerspel van Beylen, behalve hunne eigen-lieden.
Allen luden, die dessen brief sien oft horen lesen, doe wi verstaen, Johan Menssing van Haren ende Godicken van Echten, ghehete van Haren, ende enkennen des, dat wy ende
onse erfghenamen ghelovet ende ghesekert hebben, loven ende sekeren in gueden trouwen openbaer in dessen apenen brieve, dat wy heren Johan den abt ende den ghemenen convent van Dickenijnghe bijnnen ses weke na den date desses briefs solen erfliken oplaten to Halen voer den ghemenen buren na Drenteschen lantrechte al onse erve ende al onse guet, gheheten tot Altinghe ende to Rossinghe mit torve, mit twighe, mit aller slachter not ende mit alle sinen tobehoerne, als dat to Halen ende voert binnen den kerspel van Beylen gheleghen is, uytghesproken onse eyghene lude. Weert dat wy des niet en deden, wat onraet daerin veile ende schade die abt ende dat convente van Dickenijnghe voers. daerby nemen, daer solden wy ende unse erfghenamen sie al schadeloes van holden by oren simpelen woerden sonder yenigherhande vertrech ende sonder yenigherhande wedersegghen, alle nye vonde ende al arghelist uytghesproken. In kennisse der waerheit heb ie, Johan Menssing van Haren voerscreven, dessen apenen brief beseghelt mit mynen seghele voer my selven, voer Godicken voerscreven, ende voer al mine erfghenamen. Ende ie, Godicken voers., ghelyc alle desser voerscreven vorwarden under seghel Johans Menssing van Haren voerscreven, want ie op . desse tijt ghiens seghels en bruke. Ghegheven in den jaer dusent drehondert seven ende seventich op sente Servatius dach.
onse erfghenamen ghelovet ende ghesekert hebben, loven ende sekeren in gueden trouwen openbaer in dessen apenen brieve, dat wy heren Johan den abt ende den ghemenen convent van Dickenijnghe bijnnen ses weke na den date desses briefs solen erfliken oplaten to Halen voer den ghemenen buren na Drenteschen lantrechte al onse erve ende al onse guet, gheheten tot Altinghe ende to Rossinghe mit torve, mit twighe, mit aller slachter not ende mit alle sinen tobehoerne, als dat to Halen ende voert binnen den kerspel van Beylen gheleghen is, uytghesproken onse eyghene lude. Weert dat wy des niet en deden, wat onraet daerin veile ende schade die abt ende dat convente van Dickenijnghe voers. daerby nemen, daer solden wy ende unse erfghenamen sie al schadeloes van holden by oren simpelen woerden sonder yenigherhande vertrech ende sonder yenigherhande wedersegghen, alle nye vonde ende al arghelist uytghesproken. In kennisse der waerheit heb ie, Johan Menssing van Haren voerscreven, dessen apenen brief beseghelt mit mynen seghele voer my selven, voer Godicken voerscreven, ende voer al mine erfghenamen. Ende ie, Godicken voers., ghelyc alle desser voerscreven vorwarden under seghel Johans Menssing van Haren voerscreven, want ie op . desse tijt ghiens seghels en bruke. Ghegheven in den jaer dusent drehondert seven ende seventich op sente Servatius dach.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 28v |
| Regestnr. | 102 |
| Jaar | 1377 |
| Datumcode | Servat |