| Nummer:dik116 | Datum:2 febr. 1385 | Overlevering:Afschrift | Vindplaats:Arch. Abdij Dikninge, inv.nr. 1, fol. 57r, reg. 116 |
Lambert ten broke draagt op aan de abdij van Dickenijnghen, tot eene prebende voor zijne zuster Elsebe, eene pacht van 5 stede Vollenhoofsche mudden winterrogge uit zijn vaderlijk goed te Cadolen in het kerspel van Vollenhoe. Met medebezegeling door Johan van den Cloestere en Johan Sloet.
c) Allen luden, die dessen brief sullen sien oft horen lesen, doe ie verstaen, Lambert ten Broke, ende enkenne des, dat ie mit vryen willen mijns selves, mijt raede ende mit consente
al mijnre erfghenamen ghegheven ende opghedraghen hebbe, gheve ende updraghe openbaer mit dessen openen brieve heren Johanne den abt ende den ghemenen convente van Dickenijnghen, als voer ghiestelike provende Elsebeen mijnre suster, vijf stede mudde winterrogghen jaerliker pacht ende gulde Vollenhoscher mate, die ie hem ghemaket ende gheleghet hebbe over mijn alinghe vaderlike guet, als dat gheleghen is to Cadolen up den lande ende binnen den kerspel to Vollenhoe, in alsulken manieren, dat die abt ende dat ghemene convente van Dickeninghe voerscreven desser vijf mudde jaerliker gulde voerscreven erflike ghebruken moghen ende die ewelike ende ummermeer besitten moghen ende die gulde oec jaerlix upboren ende vry uyt den voerscreven guede manen ende uutwijnnen moghen tot alsulker tijt ende mit alsulken rechte als up den lande to Vollenhoe recht ende ghewoentlic is. Ende ie sal hem der voerscreven jaerliker gulde waren to lantrechte voer alle dieghene, die des to rechte comen willen, al arghelist uutghesproken. In kennisse der waerheyt heb ie, Lambert ten Broke voerscreven, dessen openen brief beseghelt mit minen seghele voer myselven ende voer al mine erfghe-namen. Ende um ene meerre vestenisse heb ie ghebeden gueden eersamen luden Johanne van den Cloestere ende Johanne Sloet, dat sie dessen brief mede over my beseghelen wilden. Ende wy, Johan van den Cloestere ende Johan Sloet voerscreven, want wy hier an ende over gheweest hebben ende dit gheschien ghehoert hebben, des hebbe wy om bede willen van beyden syden onse seghele mede an dessen openen brief ghehanghen. Ghegheven in den jaer ons Heren MCCC vijf ende tachtentich op onse Vrouwen dach to Lichmisse.
al mijnre erfghenamen ghegheven ende opghedraghen hebbe, gheve ende updraghe openbaer mit dessen openen brieve heren Johanne den abt ende den ghemenen convente van Dickenijnghen, als voer ghiestelike provende Elsebeen mijnre suster, vijf stede mudde winterrogghen jaerliker pacht ende gulde Vollenhoscher mate, die ie hem ghemaket ende gheleghet hebbe over mijn alinghe vaderlike guet, als dat gheleghen is to Cadolen up den lande ende binnen den kerspel to Vollenhoe, in alsulken manieren, dat die abt ende dat ghemene convente van Dickeninghe voerscreven desser vijf mudde jaerliker gulde voerscreven erflike ghebruken moghen ende die ewelike ende ummermeer besitten moghen ende die gulde oec jaerlix upboren ende vry uyt den voerscreven guede manen ende uutwijnnen moghen tot alsulker tijt ende mit alsulken rechte als up den lande to Vollenhoe recht ende ghewoentlic is. Ende ie sal hem der voerscreven jaerliker gulde waren to lantrechte voer alle dieghene, die des to rechte comen willen, al arghelist uutghesproken. In kennisse der waerheyt heb ie, Lambert ten Broke voerscreven, dessen openen brief beseghelt mit minen seghele voer myselven ende voer al mine erfghe-namen. Ende um ene meerre vestenisse heb ie ghebeden gueden eersamen luden Johanne van den Cloestere ende Johanne Sloet, dat sie dessen brief mede over my beseghelen wilden. Ende wy, Johan van den Cloestere ende Johan Sloet voerscreven, want wy hier an ende over gheweest hebben ende dit gheschien ghehoert hebben, des hebbe wy om bede willen van beyden syden onse seghele mede an dessen openen brief ghehanghen. Ghegheven in den jaer ons Heren MCCC vijf ende tachtentich op onse Vrouwen dach to Lichmisse.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 57r |
| Regestnr. | 116 |
| Jaar | 1385 |
| Datumcode | PurMar |
x
| Taal | Middelnederduits |
|---|---|
| Schrift | begin 15de eeuw |
| Afbeelding 1 | |
| Negatief | 3-Sf-81 |
| Afbeelding 2 | |
| Negatief | 3-Sf-83 |