Fredericus, bisschop van Traiectum, beveelt den abt van het St. Maria-klooster in Dickeninghen der Benedictijner orde, - nu hem gebleken is, dat zijne kloosterlingen een deel van het brood en de boter hunner prebende te gelde maken en met de opbrengst handel drijven, -- voortaan geene portiën als prebenden uit te reiken maar voor behoorlijk levensonderhoud aan de gemeenschappelijke tafels te zorgen.

Fredericus, Dei gracia episcopus Trajectensis, dilectis nobis in Christo abbati et conventui monasterii beate Marie in Dickeninghen ordinis sancti Benedicti nostre dyocesis salutem in domino Jesu Christo. Inter assiduas curas et innumeras sollicitudines nostro pastorali officio incumbentes de salubri statu subditorum nostrorum precipue eorum, qui non solum sua verum eciam se ipsos salubriter abnegantes carnem suam cum viciis et concupiscenciis crucifigunt in claustris claustralibus se claudendo, nos convenit salubriter cogitare, ut eo devocius quo quiecius Deo famulentur auctori, ne per subrepentes temporalium rerum curas, quibus se religiosi sepius importune involvunt, inter eos tepescat devocio et divinus cultus lentescat, sane ut fida relacione didicimus, in predicto vestro monasterio quidam usus, ymmo verius abusus multo tempore inolevit, quod videlicet fratribus et sororibus, ibidem sub regulari disciplina degentibus, consuevit loco prebende certa in pane et butiro porcio assignari, qua
recepta partem illius consumunt, reliquam vero partem vendunt et pecunia inde recepta exercent nundinas emendo et vendendo ut cuilibet placet pro libito voluntatis more secularium hominum se negociis secularibus immiscendo. Cum tamen secundum apostolum nemo militans Deo negociis secularibus se immisceat, nos igitur, qui ex debito cure pastoralis nobis injuncto cura subditorum nostrorum salutem astringimur, vigilare volentes predictum abusum tamquam religion! contrarium et multarum insolenciarum nutritivum, prout nobis possibile est, radicitus exstirpare, predictum usum hoc presenti statuto perpetuo abolemus, precipientes nichilominus abbati, qui pronunc presidet vel in posterum vestro monasterio presidebit, sub pena suspensionis ab officio, ne de cetero dictam porcionem vel quamlibet aliam loco prebende dictis fratribus seu sororibus administret vel assignet, sed secundum exigenciam bonorum ipsius monasterii et secundum regularia instituta volumus et statuimus eis competentem victum in suis mensis communibus ministrari. Ut autem hoc presens salubre statutum nullo umquam tempore in vestro monasterio violetur, ipsum sigilli nostri munimine duximus roborandum. Datum anno Domini millesimo trecentesimo nonagesimo septimo ipso die beate Scolastice.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 11r
Regestnr.	125
Jaar	1397
Datumcode	Schola

x

x

x

Materiaal	perkament

x

Edities	O0943