Frederic, bisschop te Utrecht draagt aan zijn ambtman te Couorde en in Drenthe Zweder van Heker en zijn dyenre Johan Haghen op, van abt en convent des kloosters van Dicke-nynghe geen schatting als van wereldlijke lieden te vorderen, daar zij met de geestelijkheid van het Sticht precarie en bede gaven.

Frederic, bi der ghenaden Goeds bisscop tUtrecht, maken kond alien luden ende sonderlinghe Zweder van Heker, onsen amptman tot Covorde ende in Drenthe, ende Johan Haghen, onsen dyenre, dat die eerbore ghiestelike persone, die abt ende dat convent ons claesters van Dickenijnghe, ons precari ende bede ghegheven hebben voer hoer cloester ende guede mitter ghiestelicheit ons ghestichts als sy schuldich sin te doen. Ende want wy niet en willen, dat sie daerboven ghekroed of beswaert warden mit weerliker luden schattinghe te
ghelden, soe ontbieden ende bevelen ju, Sweden ende Johan voerscreven, enden voert alien denghenen, die bevelinghe van onser weghen hebben, dat sie den abt ende dat cloester voerscreven daerinne verdedinghen ende oec beschudden in onsen name, soedat sie daer niet omme ghemoyet en waerden. Ende weert oec dat hem yemant onderwonde sie of hoer meyere hierboven te bezwaren, dat wolden wy an hem holden ende doen richten, alst sijn tijd hadde. Ghegheven ter Horst onder onsen seghel hierbeneden anghedruct int jaer ons Heren MCCCXCVII op sunte Peters avond ad Vincula.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 11v
Regestnr.	127
Jaar	1397
Datumcode	vVinPet

x

x

Materiaal	perkament

x

Edities	O0968