| Nummer:dik136a | Datum:21 sept. 1399 | Overlevering:Afschrift | Vindplaats:Arch. Abdij Dikninge, inv.nr. 1, fol. 26v, reg. 136 |
Johan ten Toerne schulte te Hasselt oorkondt, dat Johan Ludykenszoen ter wille zijner beide kinderen Lutgaert en Alyt overdroeg voor een edel eigen aan de abdij van Dyckeningen 1/8 in het erf ten Kote. Met rnedebezegeling door J. Lz.
Ic Johan ten Toerne, schulte to Hasselt indertijt, doe kundich allen luden mit dessen
openen brieve dat voer mij ghecomen is daer ic sat to gherichte in eynen ghehegheden
heymale, Johan Ludykens zone ende lijede daer voer mij dat hij mit sinen vrijen
willen ende mit gueden berade ghegheven hevet voer hem ende voer sine erfg.
in die ere Goedes ende om wille Lutgarde ende Aleyde sijnre kindere den abt ende
den ghemenen convent van Dickenynghe, den achtendeel van den erve ten Kote
dat nu ter tijt up date des briefs Johans voerscr. is, als dat gheleghen is an
tween stucken landes die holden dertyen morghen, to besittene ende to brukene
erflijc, ewelijc ende ummermeer, mit huse ende mit hove, mit torve, mit twighe,
mit watere, mit weyde, mit weghe, mit velde, mit dijke, mit weteringhe, mit
aller slachter not ende mit alle sinen tobehoerne, also als dat gheleghen is, van
welken tween stucken landes voerscr. an die eyne zijd van den eynen stucke bij
gheervet ende gheguedet is Ryquyn van den Toerne ende an die ander zijd Ae-
rent van den Brinke ende an den anderen stucke ende an beyden zijden Aernd van
den Brincke, ende droech den abt ende den convent voerscr. dit voers. guet ende
erve daer voer mij up in gherichtes hant, mit vertichnisse ende oplatinghe als
ordel ende recht wijsede ende ghewoenlijc is, to behoeff des abts ende des convents
voerscr., alsoe dat Johan ende syn erfg. voerscr. an dit voerscr. erve ende guet ghe-
enrehande recht beholden en hebben ende verteech alles rechtes ende ansprake
die hij of sijn erfg. daer ummermeer an hebben moghen ende lovede den abt ende
den convente voerscr. dit voerscr. erve ende guet te warene voer een edel eyghen
ende voer alle ansprake voer alle dieghene die des to rechte comen willen. Al ar-
ghelist uytgheseghet. Hier weren over ende an als gherichteslude Tydeken Stam,
Maes ten Walle, Otte Haghenbeke ende anders vele gueder lude. In een tuych der
waerheyt soe heb ic, Johan, schulte voerscr., mijn seghel an dessen brieff ghehanghen,
um bede willen van beyden zijden ende om der meerre vestenisse willen. Soe heb
ic, Johan Ludikens zone voerscr. mijn seghel mede an desse brieff ghehanghen, voer
mij ende voer mijn erfg. Gegheven in 't jaer ons Heren dusent driehondert neghen-
endetneghentich, des sonnendaghes op sunte Matheus dach, apostoli et ewangeliste.
openen brieve dat voer mij ghecomen is daer ic sat to gherichte in eynen ghehegheden
heymale, Johan Ludykens zone ende lijede daer voer mij dat hij mit sinen vrijen
willen ende mit gueden berade ghegheven hevet voer hem ende voer sine erfg.
in die ere Goedes ende om wille Lutgarde ende Aleyde sijnre kindere den abt ende
den ghemenen convent van Dickenynghe, den achtendeel van den erve ten Kote
dat nu ter tijt up date des briefs Johans voerscr. is, als dat gheleghen is an
tween stucken landes die holden dertyen morghen, to besittene ende to brukene
erflijc, ewelijc ende ummermeer, mit huse ende mit hove, mit torve, mit twighe,
mit watere, mit weyde, mit weghe, mit velde, mit dijke, mit weteringhe, mit
aller slachter not ende mit alle sinen tobehoerne, also als dat gheleghen is, van
welken tween stucken landes voerscr. an die eyne zijd van den eynen stucke bij
gheervet ende gheguedet is Ryquyn van den Toerne ende an die ander zijd Ae-
rent van den Brinke ende an den anderen stucke ende an beyden zijden Aernd van
den Brincke, ende droech den abt ende den convent voerscr. dit voers. guet ende
erve daer voer mij up in gherichtes hant, mit vertichnisse ende oplatinghe als
ordel ende recht wijsede ende ghewoenlijc is, to behoeff des abts ende des convents
voerscr., alsoe dat Johan ende syn erfg. voerscr. an dit voerscr. erve ende guet ghe-
enrehande recht beholden en hebben ende verteech alles rechtes ende ansprake
die hij of sijn erfg. daer ummermeer an hebben moghen ende lovede den abt ende
den convente voerscr. dit voerscr. erve ende guet te warene voer een edel eyghen
ende voer alle ansprake voer alle dieghene die des to rechte comen willen. Al ar-
ghelist uytgheseghet. Hier weren over ende an als gherichteslude Tydeken Stam,
Maes ten Walle, Otte Haghenbeke ende anders vele gueder lude. In een tuych der
waerheyt soe heb ic, Johan, schulte voerscr., mijn seghel an dessen brieff ghehanghen,
um bede willen van beyden zijden ende om der meerre vestenisse willen. Soe heb
ic, Johan Ludikens zone voerscr. mijn seghel mede an desse brieff ghehanghen, voer
mij ende voer mijn erfg. Gegheven in 't jaer ons Heren dusent driehondert neghen-
endetneghentich, des sonnendaghes op sunte Matheus dach, apostoli et ewangeliste.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 26v |
| Regestnr. | 136 |
| Jaar | 1399 |
| Datumcode | Matthe |