rodolphus, deken van Drenthia, wijst - in het geschil tusschen den abt van Dickenynghen en andreas en johannes zoons van kerstien meylvis, parochianen in Blidensteden, over die Nye Made, dat Broecdeel en den Eemthuun in het kerspel van Wester-hessellen, - die goederen aan eerstgenoemde toe. Met veroordeeling van A. en J. in de kosten en verbod aan hen om ooit de abdij te bemoeilijken in het vrij genot der goederen, op straffe eener boete van 100 oude schilden.

In Dei nomine amen. Rodolphus , decanus Drenthie , universis presencia visuris vel audituris notificamus, quod religiosus abbas monasterii beate Marie in Dickenynghen ordinis sancte Benedict! Trajectensis dyocesis, actor, movit coram nobis causam super quibusdam possessionibus , situatis in parrochia de Westerhessellen , vulgariter nominatis Die Nye Made , item Dat Broecdeel , item Den Eemthuun, contra Andream et Johannem et fratres, filios Kerstien Meylvis , parrochianos in Blidensteden , reos, quas possessiones dictus abbas, actor, nomine monasterii sui dicebat ad se et ad dictum suum monasterium pertinere. Predictis reis, scilicet Johanne et Andrea, id negantibus et sic coram nobis lite super premissis possessionibus legitime contestata , testibus coram nobis productis , juratis et examinatis , visis et auditis rationibus allegacionibus et documentis utriusque partis , citatis eciam peremptis partibus coram nobis ad audiendam sentenciam diffinitivam , deliberacione insuper nobiscum et cum peritis habita diligenti , Dei nomine invocato , partibus propter hoc in nostra presencia constitutis prefatas possessiones adjudicavimus dicto abbati et suo monasterio antedicto, condempnantes predicates reos dicto abbati et ejus monasterio in expensis in lite factis , quarum expensarum taxacionem nobis in posterum reservavimus declarandam. Injunximus nichilominus dictis reis sub pena centum scudatorum antiquorum , ne de cetero se conjunctim vel divisim de dictis possessionibus intromitterent nee dictum abbatem et ejus monasterium, quominus dictis bonis uti libere possint, aliquatenus impedirent. Acta sunt hec in ecclesia de Runen pro tribunali nobis sedentibus , presentibus honestis viris dominis Arnoldo et Henrico , presbyteris in Runen , Martino et Johanne Woerdinc , presbyteris in Dwingulo, necnon laycorum multitudine copiosa. In cujus rei testimonium sigillurn decanatus Drenthie presentibus duximufe apponendum anno Domini millesimo quadringentesimo tercio in crastino apostolorum Petri et Pauli.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 58r
Regestnr.	147
Jaar	1403
Datumcode	cPetPau

x

x

x

Materiaal	perkament

x

Edities	O1156