| Nummer:ech033 | Datum:5 aug. 1430 | Overlevering:Afschrift | Vindplaats:H.A. Echten, inv.nr. 0619, reg. 033 |
............Wij Henric Glinthagen ende Henric ten Water inder
tyt Scepen in Zwolle maken kondich allen luden dat voir ons ghecomen is in scependom als voir scepen Henric van Zanten ende gaf mit
goiden vryen wille nae synre doot als recht was Ghertruden synre dochter kyndere al alsulck guedt ruerende ende onruerende als
huys hoff erve eyghen renthen redeguedt golt silver gemuntet ende ongemuntet nyet uutbescheiden als hi dat nae synre doot op
ter selver Ghertrud synre dochter gheervet solde hebben hoe ende waer dat inder stat ofte binnen der stat vrihede van Zwolle
gelegen waer ende dat ene kijnt op dat ander te erven dat gheen echte boirte achter en liet ende storve dat leste kijnt sonder wittelike
levende boirte nae em blivende alsdan solde dat guet als voirscreven is erven en komen op Henrics voirscreven rechten erfgenamen Mer van desen
guede als voirscreven is syn uutbesceiden dertich Arnhemsche gulden die Henric voirscreven nae sijnre doot geghe ven heeft Fyen natuerlike dochter
Tydemans van Zanten syns soens mede is uutbescheiden als alsulc ghelt als die stat van Zwolle Henric voirscreven schuldich is ende dat heeft
die selve Henric voirscreven gegheven nae synre doot Aliden synre natuerliker dochter die hi heeft bi eenre gheheiten Lutgharden
mit aldusdanen vorwarden oft sake weer dat enich van Fyen ende Alide storve sonder echte boirte die solde dit voirscreven ghelt als em dat
gegheven is weder erven op oers vaders voirscreven rechten erfgenamen. Voirt soe is bescheiden dat Ghertrud echte dochter Henrics van Zanten
voirscreven vanden guede dat oeren kynderen als voirscreven is gegheven is nootdurfte hebben sal in eeten ende in drincken mer sy en sal des voirscreven
guedes nyet dair aff vercopen weldich wesen off iet dair aff te vervreemden enichs syns. Ende hi liet em dese ghiftinge in allen mae
nieren als voirscreven is voir ons inden selven scependom als recht was sonder argelist. In oirconde des briefs besegelt mit onsen segelen
Ghegeven int iaer ons hern dusent vierhondert ende dertich des saterdages nae sante Peters dach ad vincula.
tyt Scepen in Zwolle maken kondich allen luden dat voir ons ghecomen is in scependom als voir scepen Henric van Zanten ende gaf mit
goiden vryen wille nae synre doot als recht was Ghertruden synre dochter kyndere al alsulck guedt ruerende ende onruerende als
huys hoff erve eyghen renthen redeguedt golt silver gemuntet ende ongemuntet nyet uutbescheiden als hi dat nae synre doot op
ter selver Ghertrud synre dochter gheervet solde hebben hoe ende waer dat inder stat ofte binnen der stat vrihede van Zwolle
gelegen waer ende dat ene kijnt op dat ander te erven dat gheen echte boirte achter en liet ende storve dat leste kijnt sonder wittelike
levende boirte nae em blivende alsdan solde dat guet als voirscreven is erven en komen op Henrics voirscreven rechten erfgenamen Mer van desen
guede als voirscreven is syn uutbesceiden dertich Arnhemsche gulden die Henric voirscreven nae sijnre doot geghe ven heeft Fyen natuerlike dochter
Tydemans van Zanten syns soens mede is uutbescheiden als alsulc ghelt als die stat van Zwolle Henric voirscreven schuldich is ende dat heeft
die selve Henric voirscreven gegheven nae synre doot Aliden synre natuerliker dochter die hi heeft bi eenre gheheiten Lutgharden
mit aldusdanen vorwarden oft sake weer dat enich van Fyen ende Alide storve sonder echte boirte die solde dit voirscreven ghelt als em dat
gegheven is weder erven op oers vaders voirscreven rechten erfgenamen. Voirt soe is bescheiden dat Ghertrud echte dochter Henrics van Zanten
voirscreven vanden guede dat oeren kynderen als voirscreven is gegheven is nootdurfte hebben sal in eeten ende in drincken mer sy en sal des voirscreven
guedes nyet dair aff vercopen weldich wesen off iet dair aff te vervreemden enichs syns. Ende hi liet em dese ghiftinge in allen mae
nieren als voirscreven is voir ons inden selven scependom als recht was sonder argelist. In oirconde des briefs besegelt mit onsen segelen
Ghegeven int iaer ons hern dusent vierhondert ende dertich des saterdages nae sante Peters dach ad vincula.
x
| Archief | Drents Archief |
|---|---|
| Fonds | H.A. Echten |
| Toegangsnummer | 614 |
| Inventarisnr. | 0619 |
| Regestnr. | 033 |
| Jaar | 1430 |
| Datumcode | SpVinPet |