| Nummer:ech059 | Datum: | Overlevering:Origineel | Vindplaats:H.A. Echten, inv.nr. 0295, reg. 059 |
Wy Albert van Steenwick ende Arnoldus Johans natuerlicke sone van Steenwick doen kundich ende bekentliken
myt desen onsen brieve dat wij myt gueden beraede ende vryen willen voer ons ende onsen erffgenamen vercofft
hebben ende vercopen stedes erfcopes Roloff van Echten ende synen erfgenamen erfliken ende ewelicken een stucke
landes ghelegen in Echtenre merken gheheten Johans slach van Steenwijck daer an die oest sijdt naest gelant
is Volkeer Steves ende an die west sijd Henric Volkeers ende Laurens ter Lijnthorst omme ene summe geldes
die ons alyngen ende al wal betaelt is den lesten pennyngen mit den ersten. Ende wij Albert ende Arnoldus voerscreven
hebben voer ons ende onsen erfgenamen dyt voerscreven stucke landes quyt gheschulden ende den stock dair van gelecht
ende oplatynghe dair van gedaen voer Erfburen in Echten ende guede manne na bescreven als lantrecht is.
Ende daer mede aver gheven Rolof ende synen erfgenamen dit voerscreven stucke landes erfliken ende eweliken to ghebruken ende toe besitten sonder ansprake ende weder segghen van ons ende onsen erffgenamen vanden voerscreven stucke landes
voerscreven rechte waerscap doen toe lantrechte voir al die ghene die daer op spreken mogen mit enyghen rechte
soe vake als des noet is sonder arghelyst. Hier hebbenn aver ende an dyt stockleggen ghewest als Erffburen
in Echten Henric van Munster ende Gheert Santyngen ende gueder manne ghenoech. Want wy Albert van Steenwijck
ende Arnoldus voerscreven wyllen dat dese coep ende vertichnisse sullen stede ende vast blijven soe heb ick Albert voerscreven
voer my ende mynenn erfgenamen ende om bede willen Arnoldus voirscreven myns neven ende syn erffgenamen myn se
ghell an desen
brieff ghehangen. Ghegeven int jaer ons heren dusent vierhondert ende sesendetseventich des donredaghes nae sancte Servaes.
myt desen onsen brieve dat wij myt gueden beraede ende vryen willen voer ons ende onsen erffgenamen vercofft
hebben ende vercopen stedes erfcopes Roloff van Echten ende synen erfgenamen erfliken ende ewelicken een stucke
landes ghelegen in Echtenre merken gheheten Johans slach van Steenwijck daer an die oest sijdt naest gelant
is Volkeer Steves ende an die west sijd Henric Volkeers ende Laurens ter Lijnthorst omme ene summe geldes
die ons alyngen ende al wal betaelt is den lesten pennyngen mit den ersten. Ende wij Albert ende Arnoldus voerscreven
hebben voer ons ende onsen erfgenamen dyt voerscreven stucke landes quyt gheschulden ende den stock dair van gelecht
ende oplatynghe dair van gedaen voer Erfburen in Echten ende guede manne na bescreven als lantrecht is.
Ende daer mede aver gheven Rolof ende synen erfgenamen dit voerscreven stucke landes erfliken ende eweliken to ghebruken ende toe besitten sonder ansprake ende weder segghen van ons ende onsen erffgenamen vanden voerscreven stucke landes
voerscreven rechte waerscap doen toe lantrechte voir al die ghene die daer op spreken mogen mit enyghen rechte
soe vake als des noet is sonder arghelyst. Hier hebbenn aver ende an dyt stockleggen ghewest als Erffburen
in Echten Henric van Munster ende Gheert Santyngen ende gueder manne ghenoech. Want wy Albert van Steenwijck
ende Arnoldus voerscreven wyllen dat dese coep ende vertichnisse sullen stede ende vast blijven soe heb ick Albert voerscreven
voer my ende mynenn erfgenamen ende om bede willen Arnoldus voirscreven myns neven ende syn erffgenamen myn se
ghell an desen
brieff ghehangen. Ghegeven int jaer ons heren dusent vierhondert ende sesendetseventich des donredaghes nae sancte Servaes.
x
| Archief | Drents Archief |
|---|---|
| Fonds | H.A. Echten |
| Toegangsnummer | 614 |
| Inventarisnr. | 0295 |
| Regestnr. | 059 |
| Jaar | 1476 |
| Datumcode | JpServat |