| Nummer:fae033 | Datum:1 mei 1421 | Overlevering:Origineel | Vindplaats:F.A. Van Ewsum, inv.nr. 0479, reg. 033 |
Ik Hemmo in Edingwere kerspelman to Westerwidwerd Asse min echte wijff unde Wisse Assen zone doen kundich allen luden de dessen
breeff zien off horen lezen dat wij hebben vercoft ende vercopen in dessen breve voer enen steden vasten koep Ewerde Ewesma ende horen
rechten erven dre fennen landes de ene is theheten de langhe fenne de ander gheheten in de merke de drudde gheheten Tyarkes fenne
unde een stucke landes en luttick myn so en halff hondert beleghen up den uterdike bi der westerzijde Frouwinghe tullen desse vier
stucke landes zind to gader achte hondert in dat noerden der dryer fennen is beleghen de conventus land to Werffum ter zweden unde
in dat oesten is beleghen ter zweden Merrikes wives land to Widwerd unde in de zuetzijden ter zweden is beleghen Lubbeken Hermans
land unde bi dat stucke landes is beleghen Johannis Gherdisma land up den uterdijke desse voerscr. dre fennen zullen enen wech hebben
langhes enen fennen de gheheten is tuen fenne up to Harkesma heem voer ere hoved dam voert up den menen wech dit voerscr.
land is uns deghet unde al wes bitalet na unsen willen hier umme gheve wij Hemmo Asse ende Wisso voerscr. der voerscr. Ewerde
unde horen rechten Erven vollenkomen macht dit voerscr. land to brukene to versettene to vercopen unde daer mede doen wat
se sil hier hebben over ghewesen Poppeko Deddema weddeman to Eningwere Suebo Sughersma Luward to Sybingheem Focko
to Widdewerd Wibbo to Widewerd unde anders vele g[ueden] lude. In oerkunde desser voerscr. stucke so heb wij Hemmo Asse ende
Wisso voerscr. her Johanne hovetpreester to Widdewerd ende her Teden hovetpreester to Middelstum ghebeden dessen breeff voer
uns to bizeghelende want wij zulven nenes en bruken unde wij her Johan hovetpreester to Widdewerd unde her Tedo hovetpreester
to Middelstum umme bede willen Hemmen Assen Ende Wissen voerscr. hebben unse inghezeghele an dessen breeff ghehanghen.
Ghegeven inden jaere ons heren dusent vierhondert ende Eenentwintich up sunte Walburghes dach.
breeff zien off horen lezen dat wij hebben vercoft ende vercopen in dessen breve voer enen steden vasten koep Ewerde Ewesma ende horen
rechten erven dre fennen landes de ene is theheten de langhe fenne de ander gheheten in de merke de drudde gheheten Tyarkes fenne
unde een stucke landes en luttick myn so en halff hondert beleghen up den uterdike bi der westerzijde Frouwinghe tullen desse vier
stucke landes zind to gader achte hondert in dat noerden der dryer fennen is beleghen de conventus land to Werffum ter zweden unde
in dat oesten is beleghen ter zweden Merrikes wives land to Widwerd unde in de zuetzijden ter zweden is beleghen Lubbeken Hermans
land unde bi dat stucke landes is beleghen Johannis Gherdisma land up den uterdijke desse voerscr. dre fennen zullen enen wech hebben
langhes enen fennen de gheheten is tuen fenne up to Harkesma heem voer ere hoved dam voert up den menen wech dit voerscr.
land is uns deghet unde al wes bitalet na unsen willen hier umme gheve wij Hemmo Asse ende Wisso voerscr. der voerscr. Ewerde
unde horen rechten Erven vollenkomen macht dit voerscr. land to brukene to versettene to vercopen unde daer mede doen wat
se sil hier hebben over ghewesen Poppeko Deddema weddeman to Eningwere Suebo Sughersma Luward to Sybingheem Focko
to Widdewerd Wibbo to Widewerd unde anders vele g[ueden] lude. In oerkunde desser voerscr. stucke so heb wij Hemmo Asse ende
Wisso voerscr. her Johanne hovetpreester to Widdewerd ende her Teden hovetpreester to Middelstum ghebeden dessen breeff voer
uns to bizeghelende want wij zulven nenes en bruken unde wij her Johan hovetpreester to Widdewerd unde her Tedo hovetpreester
to Middelstum umme bede willen Hemmen Assen Ende Wissen voerscr. hebben unse inghezeghele an dessen breeff ghehanghen.
Ghegeven inden jaere ons heren dusent vierhondert ende Eenentwintich up sunte Walburghes dach.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0479 |
| Regestnr. | 033 |
| Jaar | 1421 |
| Datumcode | Walbur |