| Nummer:fae058 | Datum: | Overlevering:Origineel | Vindplaats:F.A. Van Ewsum, inv.nr. 0079, reg. 058 |
In den name godes Amen. Als leyder ongheval ghekomen is tusschen den Erberen strenghen
heren Onno Ewesma Ritter hovetling te Myddelstum by der eenre zijt unde ons Her Johan Busch
vicarium to Risum unde Nellen wedue zeligher Pylkes myt ore kijnder by die andere zijt van Pijlken
seligher dachtenisse die doet ghebleven is in venkenisse her Onnen vorscr. Ende van wechen noch ander scelinghe
unde twydracht hebben ghehad uut desse vorscr. sake sprutende Ende oick besonder van wechen selighe starke
Johan daer guede lude tusschen ghesproken hebben unde ene stede unde vaste zoene ghemaket daer
ons wal an ghenoghet In sodaner wijs dat wy her Johan Busch vorscr. Nelle myt myne kijnder
Ave Ysbrandes ende mynde kijnder Dirck Tymanzoen unde Willem myne broder unde alle selighe Pijlkes suster
kijnder Johan tho Uppum Johan Busch Peter tho Westerhusum wy ende alle onse kinder gheboren ende
angheboren nummermeer dae dessen daghe moghen offte sullen hebben ansprake ofte yenigherhande
daghe van wechene dusser vorscr. sake offte yenigherhande ander scelinghe die tusschen ons ghewesen
is voer dussen daghe teghen den Eerberen strenghen heren Onnen vorscr. myt syne vrunden unde kijnder
gheboren unde ongheboren sonder alle arghelist In oirkont der waerheit hebben wy Johannes vicarius
te Risum vorscr. ende Dytmarus Cureet te Pewesum omme bede wille dusser vorghenoemde personen
selighe Pijlkes vrunden onse seghele beneden an dussen brieff ghehanghen inden Jaer ons heren
dusent vierhondert ende neghenendetsestich des maendaghes nae sinte Georgius dach martiris.
heren Onno Ewesma Ritter hovetling te Myddelstum by der eenre zijt unde ons Her Johan Busch
vicarium to Risum unde Nellen wedue zeligher Pylkes myt ore kijnder by die andere zijt van Pijlken
seligher dachtenisse die doet ghebleven is in venkenisse her Onnen vorscr. Ende van wechen noch ander scelinghe
unde twydracht hebben ghehad uut desse vorscr. sake sprutende Ende oick besonder van wechen selighe starke
Johan daer guede lude tusschen ghesproken hebben unde ene stede unde vaste zoene ghemaket daer
ons wal an ghenoghet In sodaner wijs dat wy her Johan Busch vorscr. Nelle myt myne kijnder
Ave Ysbrandes ende mynde kijnder Dirck Tymanzoen unde Willem myne broder unde alle selighe Pijlkes suster
kijnder Johan tho Uppum Johan Busch Peter tho Westerhusum wy ende alle onse kinder gheboren ende
angheboren nummermeer dae dessen daghe moghen offte sullen hebben ansprake ofte yenigherhande
daghe van wechene dusser vorscr. sake offte yenigherhande ander scelinghe die tusschen ons ghewesen
is voer dussen daghe teghen den Eerberen strenghen heren Onnen vorscr. myt syne vrunden unde kijnder
gheboren unde ongheboren sonder alle arghelist In oirkont der waerheit hebben wy Johannes vicarius
te Risum vorscr. ende Dytmarus Cureet te Pewesum omme bede wille dusser vorghenoemde personen
selighe Pijlkes vrunden onse seghele beneden an dussen brieff ghehanghen inden Jaer ons heren
dusent vierhondert ende neghenendetsestich des maendaghes nae sinte Georgius dach martiris.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0079 |
| Regestnr. | 058 |
| Jaar | 1469 |
| Datumcode | LpGeorgi |