Wy stadtholder ende hoeftmannen der Stadt ende Ummelanden van
Groenyngen van wegen Ror Keyr Mat als hertouch van
Brabant, grave van Hollant ende erffhere der stadt ende
Ummelanden vorscreven etcetera gebeden juu ondergescreven van wegen Ror
keyr Mat by pene vyff golden gulden gy van stonden an dat
recht Ten Bueren ende Garmerwolde unbeswoeren, un-
bedient ende ungevoert laten, oeck u dat tselve recht
int groet noch kleyn in ghenerleye wyse underwinden
noch tbesweren bekroenen dat u hant gans ende geheell
daer aff holden bes ter tyt gy ersten ende voer all
mytten erbaren unde vromen Ffocke Rypperda des
halven in rechte ofte vrundtschuppen entlich ende all
gesleten ende bernyget sint of hebben gy reden hyr en
tegens moegen gy up naeste wonsdage to achturen voer
ons brengen. Den boden gevet den breeff weder by pene
vorscreven. Gescreven op sonnendach na Sacramenti anno etcetera LII
den erbaren unde vroemen Meye Enthens.

x

x

Archief	Groninger Archieven
Fonds	F.A. Van Ewsum
Toegangsnummer	696
Inventarisnr.	0247
Jaar	1551
Datumcode	LpPentec

x

x

Materiaal	papier