| Nummer:fal026 | Datum:16 nov. 1448 | Overlevering:Origineel | Vindplaats:F.A. Lewe, inv.nr. 0917, reg. 026 |
Wy Gherd ende Vroweka echte lude wonende tho Randaellaweer in Enymmer keespel bekennen ende
betughen in dessen apenen brewe voer ons ende onsen rech ten arfghenamen dat wy myt vryen willen hebben
voerkoft Eyneken Ysma ende Ulzeken echte lude wonende tho Loppersum VII forlinghe landes de ghe-
leghen synt tho Randaellaweer daer Gherd vorscreven leghet thoda swette upder noerder syde myt syn
wyrd land. Upder wester syde thoder swette Elteke Lyulsma thoden Dampme ende Ayteko Eysema. Ende
upder oesther syt de wech up tho Wyrdum omme een summe gheldes ende goedes dee ons Gherden ende
Vroweken voerscreven vul ende al betaelt is tho onsen vryen willen dee eersthe penning mytten leesthen
waer omme gheve wy Gherd ende Vroweke voerscreven Eneken ende Ulzeken voerscreven over dee voerscreven VII for-
linghe voer ons ende voer onsen arfghenamen tho bruken tho besitten tho voerwesselen tho verkopen
ende allen hoeren vryen willen daer mede tho doen sunder al archelijst. In oerkunde der vaerheyt
zo hebben wy Gherd ende vroweke voerscreven ghebeden heer Eden onsen hoevet preyster dessen breef
voer ons tho beseghelen Ende ic Edo, cureet tho Enym omme bede wille Gherdes ende Vrowekens
voerscreven hebbe myn seghel byneden an dessen breef ghehanghen int iaer ons heren M CCCC ende XLVIII
des satherdaghes nae sunte Merten in den wynther.
betughen in dessen apenen brewe voer ons ende onsen rech ten arfghenamen dat wy myt vryen willen hebben
voerkoft Eyneken Ysma ende Ulzeken echte lude wonende tho Loppersum VII forlinghe landes de ghe-
leghen synt tho Randaellaweer daer Gherd vorscreven leghet thoda swette upder noerder syde myt syn
wyrd land. Upder wester syde thoder swette Elteke Lyulsma thoden Dampme ende Ayteko Eysema. Ende
upder oesther syt de wech up tho Wyrdum omme een summe gheldes ende goedes dee ons Gherden ende
Vroweken voerscreven vul ende al betaelt is tho onsen vryen willen dee eersthe penning mytten leesthen
waer omme gheve wy Gherd ende Vroweke voerscreven Eneken ende Ulzeken voerscreven over dee voerscreven VII for-
linghe voer ons ende voer onsen arfghenamen tho bruken tho besitten tho voerwesselen tho verkopen
ende allen hoeren vryen willen daer mede tho doen sunder al archelijst. In oerkunde der vaerheyt
zo hebben wy Gherd ende vroweke voerscreven ghebeden heer Eden onsen hoevet preyster dessen breef
voer ons tho beseghelen Ende ic Edo, cureet tho Enym omme bede wille Gherdes ende Vrowekens
voerscreven hebbe myn seghel byneden an dessen breef ghehanghen int iaer ons heren M CCCC ende XLVIII
des satherdaghes nae sunte Merten in den wynther.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0917 |
| Regestnr. | 026 |
| Register Feith | 1448.018 |
| Jaar | 1448 |
| Datumcode | SpMartin |