| Nummer:fal034 | Datum: | Overlevering:Origineel | Vindplaats:F.A. Lewe, inv.nr. 0611, reg. 034 |
Wy her Boel kercher to Unswedden Deken.. in Vreslant ende her Herman vic. to Unswedden enkennen ende tugen
in dessen openen breve vor allen guden luden dat vor uns is ghekomen nuchteren mode Gert Engelens ten
Venhusen ende bekande vor sik ende vor sine erfnamen dat he sculdich were unde ys van wittliker kent
liker rechtliker scult dem walborenen Jonker Eggen em ende sinen erfgenamen of holder desses breves
vertich rinsche g. in golde vor welke summe goldes sal ende wil Gert vorb. ende sine erfnamen den
vorsc. Joncker Eggen ende sinen erfnamen of holder desses breves mit willen geven alle jaer unverjaert
twe golden r. gulden of eer gewert up meidach to betalen Ende wertzake dat desse betalinge als vorsc.
ys van Gerde vorsc. ende van sinen erfnamen nicht en schege, si mach ende sal de vorb. Joncker Egge ende sij
ne erfnamen of holder desses breves mit willen manen den scaden mitten hoftstoel ut Gerdes vorb. alingen
gueden bewegeliic of unbewegeliic mit Gestliken of werliken rechte dat ene recht, den anderen noch
to hinderen sunder Gerdes vorsc. ende sinen erfnamen ovelmoet. Al argelist ende nye vunde utgezecht de dessen
breff lasteren mogen hiir weren mede over ende an Gert Sceltes richter Ayke ten Kampe lofwerdige mans
Des to merer tuechnisse der waerheit dat alle desse articulen ende bekentnisse ewich stede ende vast bliven
to holden hebbe Ic her Boel vorsc. umme bede willen Gerdes Engelens vorsc. ende desser overlude dat segel
myns ampts der Dekenije hiir beneden an dessen openen breff tot tuge gehangen In den
jaer unses heren Dusent vierhondert sesensestich up sunte Brictius dach des hilgen biscops.
in dessen openen breve vor allen guden luden dat vor uns is ghekomen nuchteren mode Gert Engelens ten
Venhusen ende bekande vor sik ende vor sine erfnamen dat he sculdich were unde ys van wittliker kent
liker rechtliker scult dem walborenen Jonker Eggen em ende sinen erfgenamen of holder desses breves
vertich rinsche g. in golde vor welke summe goldes sal ende wil Gert vorb. ende sine erfnamen den
vorsc. Joncker Eggen ende sinen erfnamen of holder desses breves mit willen geven alle jaer unverjaert
twe golden r. gulden of eer gewert up meidach to betalen Ende wertzake dat desse betalinge als vorsc.
ys van Gerde vorsc. ende van sinen erfnamen nicht en schege, si mach ende sal de vorb. Joncker Egge ende sij
ne erfnamen of holder desses breves mit willen manen den scaden mitten hoftstoel ut Gerdes vorb. alingen
gueden bewegeliic of unbewegeliic mit Gestliken of werliken rechte dat ene recht, den anderen noch
to hinderen sunder Gerdes vorsc. ende sinen erfnamen ovelmoet. Al argelist ende nye vunde utgezecht de dessen
breff lasteren mogen hiir weren mede over ende an Gert Sceltes richter Ayke ten Kampe lofwerdige mans
Des to merer tuechnisse der waerheit dat alle desse articulen ende bekentnisse ewich stede ende vast bliven
to holden hebbe Ic her Boel vorsc. umme bede willen Gerdes Engelens vorsc. ende desser overlude dat segel
myns ampts der Dekenije hiir beneden an dessen openen breff tot tuge gehangen In den
jaer unses heren Dusent vierhondert sesensestich up sunte Brictius dach des hilgen biscops.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0611 |
| Regestnr. | 034 |
| Register Feith | 1466.026 |
| Jaar | 1466 |
| Datumcode | Bricci |