| Nummer:fal042 | Datum: | Overlevering:Afschrift | Vindplaats:F.A. Lewe, inv.nr. 0080, reg. 042 |
Wij Hindrick van Goedes genaeden Biscop toe Munster ende der hilliger
kercken te Bremen Administrator doen kundt als ein tydt lick twist
schelinghe ende gebreecke gewest sijn tuschen onss ende die des met onss te doene
ghehadt hebben aen die ene zydt ende der Ersaemen Borge mesteren Raedt
borgheren ende ghemeenheijt der Stadt Groeninghen ende die des mit
te doende ghehadt hebben aen die aendere zyde heerkoemende ende
ghereesen van unsen huijse ende sloete Wedde gheleghen in Westerwol-
dingher lande dat Hayo Addinghe van Westerwolde van unsen
ende onses stichtes weghen van Munster inne hadde etcetera Soe
bekennen wy dorch unse rede ende frunde van unssen Capit tel, Ritter-
schap unde Stadz Munster van aen eyne unde Burghemesteren ende
Raedtfrenden der Stadt Groeninghen van oire Stadtz weghen
aen die aendere zyden up den dinxdach van Sunte Scholasti ca
laestleden binnen Schutorpe besproecken bededinget is. In den
eersten dat alle twyst schelinghe ende ghebreecke ende wes in den
onwillen vander tydt aen als sick die eerste eerheeff bes aen die
tydt des daeghes unses ende an dato des brieves aen enich van beijden
zyden aen kommer roeve besaete naeme brande ofte aenders jeniger-
leije wyse in unsen ende der van Groeninghen landen ende ghebeeden
ghescheen aling ende al mit guetlicker scheydinghe ver- soent neder
ghelecht ende gescheyden sal wesen ende blyven ghelick oft nicht
ghescheen en weere up wyse manneere ende puncten daer van hier
naer beschreeven volghet: Int eerste van onsen gerichte ende
gherechticheyt in onsen Westerwoldingher lande des uns daer
umb die van Groeninghen gheven ende wy en weederomme daer
aff voer ons ende onse nmaekoemelinghe doen soelen etcete ra. Solches
is unss van en ghenoechelick betaelt ende vorder besonder
tuschen onss ende en insonderlinx breven verscreven ende verseghelt
malc den aenderen toe holdende soe brieven daer affholdende
ende uuthwysen. Voertmeer synnen ock tuschen unss ende den van
Groeninghen van uonsen beyder zyden reden ende fronden verschreven
up daeghe ende steede voergenoemd aendere articule ende puncten betallet
ende bededinget ende in recesse beschreven lueden als hier nae beschre-
ven staet. Item, mede is bevorwerdet wanneer onse Gnedighe
heeren offte zyne naekoemelinghe dat gerichte weederlosse- den Haye
van Westerwolde want by sijnen tyden twijst ende onwillen
onss eerheeven synt ende daer omme die van Groeninghen besorghen
die vreede dorch eme weeder verbroecken en nicht gheholden mochte
worden nicht weeder doen noch verschreven werden den solven Hayen
Item, die ghebreecke ende spraecke tuschen onsen genedi- ghen heeren
unde Hayen van Westerwolde aen eine ende den van Groenin- ghen
aen die aendere zyde heerkoemende van Billinghewolde ende Blyham
ende vorder aen den landen ende karspelen die daer aen eyghen ende bij
den lande van Westerwoldingher lande gheleghen zijnnen daer
sich jenich der parth rechtes aen vermeten moeghen sal guetlich
staen ende upgestalt wesen vyff ende twintich jaeren van den
eerstkoemende Paesche daeghe negest naest ein aenderen
volgende daer onder niement aen den aenderen spraecke
ofte vorderinghe omme doen sal. Beholtlicken itlichen parthen syns
rechtens als dat ghestaen heeft unde steyt bes aen diese tydt en bin-
nen den jaeren verschreven nyn diese parthijen possessie prae-
sc(h)riptien ofte anders ienich recht winnen toe eme ende vorder
oft aenders dan eelck nuu ter tydt hevet ende welcker part des
dan nae den verscreven iaeren nyet langer staen laeten en wil die
sal den aenderen dat ock ein jaer te voeren up staven daer
sal men dan guetlicke daeghen ende ghelegene stede toe bescheyden
die ghebreecke thoe verhoerene und besehene toe guetlicken ofte
gheboerlicken uthdracht laeten koemen dat ader geener
veede oft overgreepe omme noet en sy. Item, ock die van
Groeninghen en sullen ock nijne vorder grafft ofte veste niss
up den lande Westerwolde graeven bouwen ofte maecken dan
daer nuu dato des breves synt dat en ghescheede dan met vol-
bort onsses genedighen heeren ende syns Capittels. Item, Hayo van
Westerwolde ende synen erven ende des met eme te doene ghehadt
soelen oick mede besoenet ende guetlicken ghescheyden weesen vrig
ende ellick van em veilich bij dat syne te koemen ende em bynnen ende
buijten der Stadt Groeninghen ghebiede onbehindert ende onbe-
lettet volgen ende freedelicken tot synen besten ghebruyc ken
laeten. Beholtelicken hem ende synen erffgenaemen syne rechticheit
ende aenspraecke aen Bellingwolde ende Blyham in manieren ende
ghelick verscreven is ende weerdt saecke Hayo ofte synen die verscreven soene
ofte scheydinghe nae diese tydt sonder recht geweltlicken
weder gebraecken dat solde hij verbeteren ende daer ge noech
voerdoen ofte daer voerlieden ghelick ghelyck ein onder saete
des landes van westerwolde ende nicht aenders daer tegens
ghebruycken. Item, off iemens weere die sich in den ver screven onwillen
ende des weeghes aen onsen genedighen heeren gegheven hadden binnen
ofte buyten synre genaeden lande gheboeren die nu om alles
dat bynnen desse onwillen ghescheen is besoenet ende ghescheyden syen.
Jeniger spraecke ofte recht up ende om des daer bevoerens weere ghescheen
sich aen die van Groeninghen ofte die em staen te verdie genen vermeten
onse ofte onse genedighe heere verscreven daer om aen die van Groeninghen
schryvende ende begerende worden des up ghelegene ende bequeme
stede toe daeghe te koemen ende die saecke ende gebreecke te verhoren
ende toe versoeckene daer up guetliche ende gheboirlicke uuthdracht
sulx dan die van groeninghen tot ehren onsen genedighen heeren
nicht ein weijgheeren mochte men aver dan des niet guet licken
ofte met recht neder legghen dan ider man des moeghen blyven
bij sijnen rechte desgelix oick ofte die sich ion diese onwillen ende
des wegen aen (ons) se ghegeven heden up onsen genedighen heeren
ondersaeten omme saecken die bevaeren onsen onwillen ghescheen
ende hier mede ongescheyden ghebleven wesen. Jenighe spraecke
ofte recht synt vermetende dat oick te moeghen verschryven ende
daer omme te daeghen ende uuthdracht koenen laete ghelyck verscreven
steijt. Item, is mede bekallet dat omme die meerdere liefte
ende frendtschap tusschen den verscreven parthijen toe eerstaende onse
genedighe heere noch die van Groeninghe niemande in ere lande
noch ghebiede (nde) upgeholden noch lyden en soelen die in des aenderen
lande roeve berne ofte schaeden der meer een itlick sal dat
keeren naer syner macht unde oft wie van ondersaeten weere
die gebreeke tot den aender hadde die sal spreecken met recht ende
vervolghen dat alsoe datmen daer daeghen tusschen verraeme ende daer
aene sij dem cleger weder vaeren moeghe in frendtschap ofte
rechte des sick geboere wer sich daer anne niet genoegen laeten
ende nins rechtens solde men toeven ende upholden ende sich daer mede hebben
als sick dan gheboerde. Item, die koepman aen beyden zyden sal in
itlix lande ende ghebiede diese verscreven vyffendetwin tich iaer lanck
up gewoentlicken tollen ende wechgelt velich trecken koemen vaeren ende
verkeeren moeghen als dat van oldes gewoentlick is ghewe sen ende men
sal niemende ghehenghen besaete aen den aenderen to doene die niet
saecke wolde ofte borghe en is Off dat solvis met handen ofte met monde
hadde verbroecken dat en waere dan saecke dat het geboer licken worde
worde vervolget ende den clegeren gheen recht noch be scheyt weedervaeren
mochte soe solde men sich daer inne hebben als geboerlicke weere. Item,
weer iemant van beyder syden ondersaeten bekommert ofte behindert
aen lijff ofte guet in diese onwillen die besaete sal affwesen ende alle
gevangene quyt ende dat guet frey wesen ungescheyden die sich
entlick voer ghelt ghekoft ende dat ghelt voert verwisselt
hebben betaelen ende vernueghen soelen. Item, dat onse genedighe
heere der van Groeninghen Ampluyde ende ondersaeten
geestlick ende warlick in syner genaeden landen en gebiede
ende die van groeninghen syner genaeden (landen ende lueden)
Amptlueden ende ondersaeten geestlick ende warlick in eren
ghebeede ende Ummelanden gunstich ende vorderlick syn soe voele
sie met reeden moeghen unde off daer aff onwille ofte
twyst sich erheve dat Godt verbeede soe solde men dan
daertoe daeghe verschryven ende holden ende dan soe ver voeghen
dat die twyst guetlicken ofte gheboerlicken nederghelacht
mochte worden ende ommer nyne veede daer aff en
koeme. Item, voerder is mede bekallet nae diese puncte
verscreven bededinghet aenghenoemen ende besloeten synt omme
guede frentschup ende minnelicke naeberschup thoe hebben
ende thoe blyeven den tuschen onsen genedighen heeren syne
genaeden lande ende ondersaeten ende der stat Groeningen
eere inwoeneren Ummelanden ende ondersaeten alsoe dat
malck des aenderen saecken ten besten keere ende dat ergeste
affkeere unde die ondersaeten in den lande stichte stadt
ghebeede den tydt lanck vergenoempt vry veelich ende seecker
moeghen koemen wanderen handelen ende verkeeren soe ver screven steijt.
Unde ofte bynnen diesen bededinghe jaermaelen tuyschen onsen
genedighen heeren ende den van Groeninghen eere beyder landen
edder ondersaeten jenich onwille upstonde eder errese
datmen dat schryven ende daer guetlicke daeghe ende ghele gene
stede toe verraemen sal ende daer annsyn dat die guetlick
ende hen ghelecht worden. Beholtelick dieser guetlicker
oeverdracht daer mede doch nicht ghebroecken en worde
en immer ghene veede aff en koeme. Unde wij Hindrick
Bischop ende Administraetor verscreven bekennen dat ver- midts beyder
zyde reeden ende frenden alle verscreven articulen ende puncten tuschen
uns ende die van Groeninghen bekallet ende bededinghet ende
berecesset synt wij oick soe thoegelaeten belevet ende aengenomen
ende darby voer ons ende onse naekoemelinghen der Ersaemen
Borgemesteren en Raedt borgheren ende gemeenheijten der stadt
Groeninghen en oeren naekoemelinghen thoe ghesacht ende
gheloevet hebben toesegghen ende beloeven vermidtz diesen breve
ende die soe voele ons se beroeren stede vast ende onver- broecken
te holden unde hebben. Des in oerkonde ende in tuychsche- nisse
der waerheit unse zegel voer onss ende onse naekoemelin- ghen
wytlicken aen diesen brieff doen hanghen. Gegheven in
den jaere onss heeren duesent veerhondert twee ende tach- ten-
tich des dinxgesdaeghes nae den hillighen Palmdaeghe.
kercken te Bremen Administrator doen kundt als ein tydt lick twist
schelinghe ende gebreecke gewest sijn tuschen onss ende die des met onss te doene
ghehadt hebben aen die ene zydt ende der Ersaemen Borge mesteren Raedt
borgheren ende ghemeenheijt der Stadt Groeninghen ende die des mit
te doende ghehadt hebben aen die aendere zyde heerkoemende ende
ghereesen van unsen huijse ende sloete Wedde gheleghen in Westerwol-
dingher lande dat Hayo Addinghe van Westerwolde van unsen
ende onses stichtes weghen van Munster inne hadde etcetera Soe
bekennen wy dorch unse rede ende frunde van unssen Capit tel, Ritter-
schap unde Stadz Munster van aen eyne unde Burghemesteren ende
Raedtfrenden der Stadt Groeninghen van oire Stadtz weghen
aen die aendere zyden up den dinxdach van Sunte Scholasti ca
laestleden binnen Schutorpe besproecken bededinget is. In den
eersten dat alle twyst schelinghe ende ghebreecke ende wes in den
onwillen vander tydt aen als sick die eerste eerheeff bes aen die
tydt des daeghes unses ende an dato des brieves aen enich van beijden
zyden aen kommer roeve besaete naeme brande ofte aenders jeniger-
leije wyse in unsen ende der van Groeninghen landen ende ghebeeden
ghescheen aling ende al mit guetlicker scheydinghe ver- soent neder
ghelecht ende gescheyden sal wesen ende blyven ghelick oft nicht
ghescheen en weere up wyse manneere ende puncten daer van hier
naer beschreeven volghet: Int eerste van onsen gerichte ende
gherechticheyt in onsen Westerwoldingher lande des uns daer
umb die van Groeninghen gheven ende wy en weederomme daer
aff voer ons ende onse nmaekoemelinghe doen soelen etcete ra. Solches
is unss van en ghenoechelick betaelt ende vorder besonder
tuschen onss ende en insonderlinx breven verscreven ende verseghelt
malc den aenderen toe holdende soe brieven daer affholdende
ende uuthwysen. Voertmeer synnen ock tuschen unss ende den van
Groeninghen van uonsen beyder zyden reden ende fronden verschreven
up daeghe ende steede voergenoemd aendere articule ende puncten betallet
ende bededinget ende in recesse beschreven lueden als hier nae beschre-
ven staet. Item, mede is bevorwerdet wanneer onse Gnedighe
heeren offte zyne naekoemelinghe dat gerichte weederlosse- den Haye
van Westerwolde want by sijnen tyden twijst ende onwillen
onss eerheeven synt ende daer omme die van Groeninghen besorghen
die vreede dorch eme weeder verbroecken en nicht gheholden mochte
worden nicht weeder doen noch verschreven werden den solven Hayen
Item, die ghebreecke ende spraecke tuschen onsen genedi- ghen heeren
unde Hayen van Westerwolde aen eine ende den van Groenin- ghen
aen die aendere zyde heerkoemende van Billinghewolde ende Blyham
ende vorder aen den landen ende karspelen die daer aen eyghen ende bij
den lande van Westerwoldingher lande gheleghen zijnnen daer
sich jenich der parth rechtes aen vermeten moeghen sal guetlich
staen ende upgestalt wesen vyff ende twintich jaeren van den
eerstkoemende Paesche daeghe negest naest ein aenderen
volgende daer onder niement aen den aenderen spraecke
ofte vorderinghe omme doen sal. Beholtlicken itlichen parthen syns
rechtens als dat ghestaen heeft unde steyt bes aen diese tydt en bin-
nen den jaeren verschreven nyn diese parthijen possessie prae-
sc(h)riptien ofte anders ienich recht winnen toe eme ende vorder
oft aenders dan eelck nuu ter tydt hevet ende welcker part des
dan nae den verscreven iaeren nyet langer staen laeten en wil die
sal den aenderen dat ock ein jaer te voeren up staven daer
sal men dan guetlicke daeghen ende ghelegene stede toe bescheyden
die ghebreecke thoe verhoerene und besehene toe guetlicken ofte
gheboerlicken uthdracht laeten koemen dat ader geener
veede oft overgreepe omme noet en sy. Item, ock die van
Groeninghen en sullen ock nijne vorder grafft ofte veste niss
up den lande Westerwolde graeven bouwen ofte maecken dan
daer nuu dato des breves synt dat en ghescheede dan met vol-
bort onsses genedighen heeren ende syns Capittels. Item, Hayo van
Westerwolde ende synen erven ende des met eme te doene ghehadt
soelen oick mede besoenet ende guetlicken ghescheyden weesen vrig
ende ellick van em veilich bij dat syne te koemen ende em bynnen ende
buijten der Stadt Groeninghen ghebiede onbehindert ende onbe-
lettet volgen ende freedelicken tot synen besten ghebruyc ken
laeten. Beholtelicken hem ende synen erffgenaemen syne rechticheit
ende aenspraecke aen Bellingwolde ende Blyham in manieren ende
ghelick verscreven is ende weerdt saecke Hayo ofte synen die verscreven soene
ofte scheydinghe nae diese tydt sonder recht geweltlicken
weder gebraecken dat solde hij verbeteren ende daer ge noech
voerdoen ofte daer voerlieden ghelick ghelyck ein onder saete
des landes van westerwolde ende nicht aenders daer tegens
ghebruycken. Item, off iemens weere die sich in den ver screven onwillen
ende des weeghes aen onsen genedighen heeren gegheven hadden binnen
ofte buyten synre genaeden lande gheboeren die nu om alles
dat bynnen desse onwillen ghescheen is besoenet ende ghescheyden syen.
Jeniger spraecke ofte recht up ende om des daer bevoerens weere ghescheen
sich aen die van Groeninghen ofte die em staen te verdie genen vermeten
onse ofte onse genedighe heere verscreven daer om aen die van Groeninghen
schryvende ende begerende worden des up ghelegene ende bequeme
stede toe daeghe te koemen ende die saecke ende gebreecke te verhoren
ende toe versoeckene daer up guetliche ende gheboirlicke uuthdracht
sulx dan die van groeninghen tot ehren onsen genedighen heeren
nicht ein weijgheeren mochte men aver dan des niet guet licken
ofte met recht neder legghen dan ider man des moeghen blyven
bij sijnen rechte desgelix oick ofte die sich ion diese onwillen ende
des wegen aen (ons) se ghegeven heden up onsen genedighen heeren
ondersaeten omme saecken die bevaeren onsen onwillen ghescheen
ende hier mede ongescheyden ghebleven wesen. Jenighe spraecke
ofte recht synt vermetende dat oick te moeghen verschryven ende
daer omme te daeghen ende uuthdracht koenen laete ghelyck verscreven
steijt. Item, is mede bekallet dat omme die meerdere liefte
ende frendtschap tusschen den verscreven parthijen toe eerstaende onse
genedighe heere noch die van Groeninghe niemande in ere lande
noch ghebiede (nde) upgeholden noch lyden en soelen die in des aenderen
lande roeve berne ofte schaeden der meer een itlick sal dat
keeren naer syner macht unde oft wie van ondersaeten weere
die gebreeke tot den aender hadde die sal spreecken met recht ende
vervolghen dat alsoe datmen daer daeghen tusschen verraeme ende daer
aene sij dem cleger weder vaeren moeghe in frendtschap ofte
rechte des sick geboere wer sich daer anne niet genoegen laeten
ende nins rechtens solde men toeven ende upholden ende sich daer mede hebben
als sick dan gheboerde. Item, die koepman aen beyden zyden sal in
itlix lande ende ghebiede diese verscreven vyffendetwin tich iaer lanck
up gewoentlicken tollen ende wechgelt velich trecken koemen vaeren ende
verkeeren moeghen als dat van oldes gewoentlick is ghewe sen ende men
sal niemende ghehenghen besaete aen den aenderen to doene die niet
saecke wolde ofte borghe en is Off dat solvis met handen ofte met monde
hadde verbroecken dat en waere dan saecke dat het geboer licken worde
worde vervolget ende den clegeren gheen recht noch be scheyt weedervaeren
mochte soe solde men sich daer inne hebben als geboerlicke weere. Item,
weer iemant van beyder syden ondersaeten bekommert ofte behindert
aen lijff ofte guet in diese onwillen die besaete sal affwesen ende alle
gevangene quyt ende dat guet frey wesen ungescheyden die sich
entlick voer ghelt ghekoft ende dat ghelt voert verwisselt
hebben betaelen ende vernueghen soelen. Item, dat onse genedighe
heere der van Groeninghen Ampluyde ende ondersaeten
geestlick ende warlick in syner genaeden landen en gebiede
ende die van groeninghen syner genaeden (landen ende lueden)
Amptlueden ende ondersaeten geestlick ende warlick in eren
ghebeede ende Ummelanden gunstich ende vorderlick syn soe voele
sie met reeden moeghen unde off daer aff onwille ofte
twyst sich erheve dat Godt verbeede soe solde men dan
daertoe daeghe verschryven ende holden ende dan soe ver voeghen
dat die twyst guetlicken ofte gheboerlicken nederghelacht
mochte worden ende ommer nyne veede daer aff en
koeme. Item, voerder is mede bekallet nae diese puncte
verscreven bededinghet aenghenoemen ende besloeten synt omme
guede frentschup ende minnelicke naeberschup thoe hebben
ende thoe blyeven den tuschen onsen genedighen heeren syne
genaeden lande ende ondersaeten ende der stat Groeningen
eere inwoeneren Ummelanden ende ondersaeten alsoe dat
malck des aenderen saecken ten besten keere ende dat ergeste
affkeere unde die ondersaeten in den lande stichte stadt
ghebeede den tydt lanck vergenoempt vry veelich ende seecker
moeghen koemen wanderen handelen ende verkeeren soe ver screven steijt.
Unde ofte bynnen diesen bededinghe jaermaelen tuyschen onsen
genedighen heeren ende den van Groeninghen eere beyder landen
edder ondersaeten jenich onwille upstonde eder errese
datmen dat schryven ende daer guetlicke daeghe ende ghele gene
stede toe verraemen sal ende daer annsyn dat die guetlick
ende hen ghelecht worden. Beholtelick dieser guetlicker
oeverdracht daer mede doch nicht ghebroecken en worde
en immer ghene veede aff en koeme. Unde wij Hindrick
Bischop ende Administraetor verscreven bekennen dat ver- midts beyder
zyde reeden ende frenden alle verscreven articulen ende puncten tuschen
uns ende die van Groeninghen bekallet ende bededinghet ende
berecesset synt wij oick soe thoegelaeten belevet ende aengenomen
ende darby voer ons ende onse naekoemelinghen der Ersaemen
Borgemesteren en Raedt borgheren ende gemeenheijten der stadt
Groeninghen en oeren naekoemelinghen thoe ghesacht ende
gheloevet hebben toesegghen ende beloeven vermidtz diesen breve
ende die soe voele ons se beroeren stede vast ende onver- broecken
te holden unde hebben. Des in oerkonde ende in tuychsche- nisse
der waerheit unse zegel voer onss ende onse naekoemelin- ghen
wytlicken aen diesen brieff doen hanghen. Gegheven in
den jaere onss heeren duesent veerhondert twee ende tach- ten-
tich des dinxgesdaeghes nae den hillighen Palmdaeghe.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0080 |
| Regestnr. | 042 |
| Jaar | 1482 |
| Datumcode | MpPalmar |