| Nummer:fal050 | Datum: | Overlevering:Origineel | Vindplaats:F.A. Lewe, inv.nr. 0617, reg. 050 |
Ick Kerstyen ten Hoeffte bekenne ende betuge in dessen apenen besegelden breve dat ick hebbe
gekofft rechtes koepes van joncker Heyen van Westerwolden sodane recht ende rechticheit he hevet
an Ropers erve ten Venhusen alss dat belegen ys in den kerspel to Unsswedde myt syner tobehoryngen
dar Kerstyen vorscreven vor betalen sal sevenundevertich golden rynss gulden edder guet payment dat in
der tyt der betalynge dar guet vor sy de helffte dess guedendagen na Georgii martiris na date
desses breves negest volgende ende de ander helffte van der vorscreven summe sal de betalynge schen
na date dessen breves up Phylippi et Jacobi apostolorum aver en jaer sonder argelist. Weer dat
sacke dat sodane betalynge nicht en geschege van den vorscreven Kerstyen sal dan de vorscreven
Kerstyen vervallen wesen myt ener penen van sodaner summen he gelavet hevet to
betalende alss xlvii golden gulden de em joncker Heye aff manen mach ende dyt alsus geschet
ys tor tuchnisse der warheit weren by an ende aver her Bernt Buse kercher to Fflachtwedde,
her Hermen Bruser kercher to Wedde ende her Ffolker vicca- ryus to Fflachtwedde ende Hermanus
Koepes rychter in der tyt dess landes Westerwolde ende mer ander gueder luede. Thor mere tuchnisse
der warheit hebbe ick vorscreven Kerstyen gebeden her Bernde Buse vorscreven ende her Hermen Bruser
vorscreven dessen breff to besegelen de gegeven ende gescreven ys in den jaere onses heren do men screff
dusent vyrhondert negenuntachtentich an demme avende sancti Georgii martiris.
gekofft rechtes koepes van joncker Heyen van Westerwolden sodane recht ende rechticheit he hevet
an Ropers erve ten Venhusen alss dat belegen ys in den kerspel to Unsswedde myt syner tobehoryngen
dar Kerstyen vorscreven vor betalen sal sevenundevertich golden rynss gulden edder guet payment dat in
der tyt der betalynge dar guet vor sy de helffte dess guedendagen na Georgii martiris na date
desses breves negest volgende ende de ander helffte van der vorscreven summe sal de betalynge schen
na date dessen breves up Phylippi et Jacobi apostolorum aver en jaer sonder argelist. Weer dat
sacke dat sodane betalynge nicht en geschege van den vorscreven Kerstyen sal dan de vorscreven
Kerstyen vervallen wesen myt ener penen van sodaner summen he gelavet hevet to
betalende alss xlvii golden gulden de em joncker Heye aff manen mach ende dyt alsus geschet
ys tor tuchnisse der warheit weren by an ende aver her Bernt Buse kercher to Fflachtwedde,
her Hermen Bruser kercher to Wedde ende her Ffolker vicca- ryus to Fflachtwedde ende Hermanus
Koepes rychter in der tyt dess landes Westerwolde ende mer ander gueder luede. Thor mere tuchnisse
der warheit hebbe ick vorscreven Kerstyen gebeden her Bernde Buse vorscreven ende her Hermen Bruser
vorscreven dessen breff to besegelen de gegeven ende gescreven ys in den jaere onses heren do men screff
dusent vyrhondert negenuntachtentich an demme avende sancti Georgii martiris.
Geen afbeelding beschikbaar.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0617 |
| Regestnr. | 050 |
| Jaar | 1489 |
| Datumcode | vGeorgi |