| Nummer:fal061 | Datum: | Overlevering:Afschrift | Vindplaats:F.A. Lewe, inv.nr. 0022, fol. 090r, reg. 061 |
Von Gottes genaden, Wij Franciscus abt des frien Stiffts Corveije
bekennen apenbaer In dussen Brieve, voer uns, unse Nakomen
und Stijfte, dat wij hebben belehnet, soe woentlich Is und in
macht dieses brieffs belehnen Jorgen Addingha Hovetschoppe
tho Westerwolde und sine lives Erven beider kunne, tho
einen rechten Erfflehne, mit dessen nabes. guderen, Int erste
mit den gantzen Lande tho Westerwolde, und all siner tho
behoringe, Geistlich und Werthlich und sunderlings mitter
Kercken tho Unstwedde mit aller rechticheit, Erven und luiden
die daer Inne hoeret, Item metten Dorpe Smerliche, utgenomen
Dreij huis Tangelingh huis, Edinge huis und Lottringe
huis, Item met der Kercken tho Sellingen und den gantzen Dorpe
mit allen ehren rechten Erven und luden, und sunderlings
Die Borch, die Haer, die Melleme, die Walslage und die
Wisch, uthgescheiden Wedeling huis, Item mit den gantzen
Dorpe tho Laude, mit den Erven und luden, Item mit der
Kercken tho Vlachtwedde, mit alle ehren Erven und luden
mit den gantzen Dorpe Waldingehuis und sinen Erven,
Diringhe huis, Coelers huis end Wiltinge huis, mitt den
gantzen Dorpe tho Wehnde, und allen Erven und luiden
die daer Inne hoeren, Rensinge huis, Embsinge huis,
die Huisstede, und Buschmans huis, mit allen ehren Erven
und luden die daer Inne hoeren, Item mit der Kercken tho
Wedde, mit allen rechten, husen, luden end Erven, alse
Meninge Erve, Redwerdingh, Bruningk und Wichering
Item mit der Kercken tho Vriescheloe, mit aller thobehoringe
und rechten, mit unser vagedien tho Winschate met aller
rechticheit und thobehoringe geistlich und werthlick,
waer die, und alle dusser vors. guder gelegen sin, In holte
In felde, in water in wisschen und weiden, nichtes dar-
van uthgescheiden, soe die tho unsen Stijffte, und uns tho
tho velehneijde hoerme und sine voerolderen van unsen voer-
farn und Stijfte tho Lehne ghehatt und gedragen und he
In lehenscher wehr und besitt, an uns ghebracht hefft
und wij obgenante Francisk abt willen den genanten
Jorghen und sines lives Erven, dusses voers gudes
und lehnes, Bekandte, gichtige Heer und warenth sin, woer
wanne, und soe vaken des noet und behoeff geschiet
dat eisschen und uns in Rechte geboeren mach, Doch uns
und unsen Stijffte unschedelick, van soedanen obgen. ghude, he
unse und unses Stiffts truwe huldeman sin sall, soe
einen lehenmanne sinem Lehenheren tho steit, die Guder
entfaen und verstaen na geboere. Des tho Orkunde hebben
wij unser Ebdie Ingen: an dussen brieff doen hangen ..,
Dm. Ao. Quingentesimo sexto Anno donnerstage na Katherinen
Virginis.
bekennen apenbaer In dussen Brieve, voer uns, unse Nakomen
und Stijfte, dat wij hebben belehnet, soe woentlich Is und in
macht dieses brieffs belehnen Jorgen Addingha Hovetschoppe
tho Westerwolde und sine lives Erven beider kunne, tho
einen rechten Erfflehne, mit dessen nabes. guderen, Int erste
mit den gantzen Lande tho Westerwolde, und all siner tho
behoringe, Geistlich und Werthlich und sunderlings mitter
Kercken tho Unstwedde mit aller rechticheit, Erven und luiden
die daer Inne hoeret, Item metten Dorpe Smerliche, utgenomen
Dreij huis Tangelingh huis, Edinge huis und Lottringe
huis, Item met der Kercken tho Sellingen und den gantzen Dorpe
mit allen ehren rechten Erven und luden, und sunderlings
Die Borch, die Haer, die Melleme, die Walslage und die
Wisch, uthgescheiden Wedeling huis, Item mit den gantzen
Dorpe tho Laude, mit den Erven und luden, Item mit der
Kercken tho Vlachtwedde, mit alle ehren Erven und luden
mit den gantzen Dorpe Waldingehuis und sinen Erven,
Diringhe huis, Coelers huis end Wiltinge huis, mitt den
gantzen Dorpe tho Wehnde, und allen Erven und luiden
die daer Inne hoeren, Rensinge huis, Embsinge huis,
die Huisstede, und Buschmans huis, mit allen ehren Erven
und luden die daer Inne hoeren, Item mit der Kercken tho
Wedde, mit allen rechten, husen, luden end Erven, alse
Meninge Erve, Redwerdingh, Bruningk und Wichering
Item mit der Kercken tho Vriescheloe, mit aller thobehoringe
und rechten, mit unser vagedien tho Winschate met aller
rechticheit und thobehoringe geistlich und werthlick,
waer die, und alle dusser vors. guder gelegen sin, In holte
In felde, in water in wisschen und weiden, nichtes dar-
van uthgescheiden, soe die tho unsen Stijffte, und uns tho
tho velehneijde hoerme und sine voerolderen van unsen voer-
farn und Stijfte tho Lehne ghehatt und gedragen und he
In lehenscher wehr und besitt, an uns ghebracht hefft
und wij obgenante Francisk abt willen den genanten
Jorghen und sines lives Erven, dusses voers gudes
und lehnes, Bekandte, gichtige Heer und warenth sin, woer
wanne, und soe vaken des noet und behoeff geschiet
dat eisschen und uns in Rechte geboeren mach, Doch uns
und unsen Stijffte unschedelick, van soedanen obgen. ghude, he
unse und unses Stiffts truwe huldeman sin sall, soe
einen lehenmanne sinem Lehenheren tho steit, die Guder
entfaen und verstaen na geboere. Des tho Orkunde hebben
wij unser Ebdie Ingen: an dussen brieff doen hangen ..,
Dm. Ao. Quingentesimo sexto Anno donnerstage na Katherinen
Virginis.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0022 |
| Fol.nr. | fol. 090r |
| Regestnr. | 061 |
| Jaar | 1506 |
| Datumcode | JpCathar |