Propst Hero in Langen beurkundet Genugtuung für Ocko Sibbana in Nesserland.
Noverint universi et singuli tam posteri quam presentes presentem paginam inspecturi seu audituri, quod frater Hero Dei pacientia prepositus ecclesie sancti Iacobi in Longhena ordinis Premonstratensis suusque conventus ibidem Ockoni dicto Sibbana civi ac parrochiano in Nesse de lesione seu mutilatione pedis filii sui, quam frater Peneco[*] conversus eorundem fecerat eidem licet casualiter, fideliter satisfecerunt et plenarie secundum terre plebiscita Reydensis. In cuius robur et testimonium veritatis sigilla veridicorum et discretorum scilicet domini Udonis in Nesse, domini Hayonis in Flyactum, [*] domini Hayonis in Tordinggum[*] nec non domini Tyderici in Wilinggum[*] ecclesiarum rectorum presentibus sunt appensa. Datum (anno) Domini MoCCCoLXXo secundo, die dominico infra octavas corporis eiusdem Domini nostri Ihesu Christi.
