| Nummer:gus0618 | Datum:7. April 1415 | Overlevering:Original | Vindplaats:Rep. 1 (Große Urkundensammlung), inv.nr. 0618 |
Der Pfarrer Godeke Stoet in Utende beurkundet die Schenkung eines Moores durch Hayo Egghena an das Kloster Langen.
Ic her Godeke Stoet, kercher in den Uthende in Sagelterlande, do kuondich allen guoden luoden, gestlich unde wertlich, dat vor my in gekomen Hayo Egghena, en buor to Baldekinge, [*] myt beradenen moede unde guden willen zines, einer husfrowen unde erer beyder rechter erven unde hebbet gegheven unde ghevet in dessen openen breve umme Godes willen unde zelicheit erer oldern unde erer zelen willen, en stuocke phanes, [*] dar men eede[*] uppe graven mach, deme convente to Langhene in Emesingelande[*] to eren willen des to bruokende zunder alle ansprake, des en Hayo vorgescr. en recht vast warent wil wezen, [*] unde vordern unde vlotten[*] zee myt zinen vruonden, war he kan unde mach. To enen vasten tuoghe desser begiftinge unde merer betuchnisse der warheit, zo hebbe ik her Godeke vorgescr. umme beteringe des conventes unde umme Hayen guoder andacht willen, myn ingezegel beneden an dessen breff gehangen, na der bort unses Hern verteynhuondert jar in deme vifteynden jare, up Passche achtende.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0618 |
| Jaar | 1415 |
| Datumcode | QuaMod |