| Nummer:gus0742 | Datum:5. April 1402 | Overlevering:Original | Vindplaats:Rep. 1 (Große Urkundensammlung), inv.nr. 0742 |
Der Häuptling Keno tom Brok und andere schenken der Kommende Abbingwehr die Dorfstätte Middelsum.
Wi Kene, her Ocken zoen ritters, hoftlingk tho deme Broke ende Auwerk etc., Enno hoftling tho Pilzun[*], Geralt Wierdis zoen, Wibbo Ulbrendis ende Emmeko tho Uttun[*] doen witlich ende openbaer allen luden de dessen breff zeen of horen lezen, dat wi mit beradenen muode ende mit vrien willen hebben gegeven ende geven den broderen ende zusteren tho Abbingeweer[*] van zunte Johannis leven[*] umme Godis willen ende nutticheyt unzer ende unzer older zelen de dorpstede tho Midlistun[*] gelegen bi Uttun tho ewegen tiden tho betimmerne, bruokene ende bezittene tho des closters behoef velich ende vry zunder behindernisse, weddersprake unzer ende unzer rechten erfnamen ende willen den broderen ende zusteren vorscr. dar tho unze vordernisse doen ende bescherminge vor alle, de umme unzen willen doen ende laten willen, dewile wi leven. In oerkunde der waerheyt zo hebbe wi Keene, Enne, Geralt, Wibbe ende Emeke vorscr. unze ingesegel hangen gedaen an dessen breeff, de geven ende screven in int jaer unzes Heren XIIIIe ende thue, midweken na Paschen achtende dach.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0742 |
| Jaar | 1402 |
| Datumcode | EpQuaMod |