Der Häuptling Wiard Haykena in Uphusen verkauft der Kommende Abbingwehr Grundstücke im Middelsumer Hammrich.

Ik Wyard Haykena, hoeftling to Uphusen, enkenne unde betuge vor allen gueden lueden, de dessen breff seyn offte hoeren lesen, dat ik hebbe myd vorbedachten vrygen moetwillen vorkofft ewelikes steden vasten erffliken koepes negen grase etlandes; de 6 1/2 grase liggen in Hamtyuch unde dat 1 1/2 gras licht in Krumme Utterdyck, unde ene gras licht in Hoghe Ghara, belegen in Myddelsum hammerka[*] unde dyt vorscr. land hebbe ik Wyard vorg. vorkofft heren Uden, commenduer in der tiid to Abingewer, to behoff des conventes unde des gueden sunte Johannes, unde hebbe em diit vorg. erve vorkofft vor en summa geldes, dar my de eirste penningk myd den lesten wall an betalet is; unde will den vorscr. convente desses landes guede vaste warschop doen to ewigen tiiden vor myne kindere, geboren offte ungeboren, unde[*] vor all myne rechten anervende. Unde des to groter bekantnisse, so hebbe ik Wyard vorscr. myn ingesegel witlyken an dessen breff gehangen; unde hiir weren an unde over als rechte winekopesluede Enne Wyzeldesena, Menrik to Borsum unde Nommena to Borsum unde anders vele gueder luede, de diit mede segen unde horden. Ind yaer unsre Heren M^oCCCC^oXL^o, upp dem hilgen dage invencionis sancte crucis.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0747
Jaar	1440
Datumcode	InvCru

x

x

x

Commentaar	Anhängendes Siegel verloren.

x

Edities	Editie naar dit exemplaar: oub0514.