| Nummer:gus0823 | Datum:1. Aug. 1467 | Overlevering:Original | Vindplaats:Rep. 1 (Große Urkundensammlung), inv.nr. 0823 |
Gräfin Theda von Ostfriesland beurkundet, daß Graf Ulrich I. von Ostfriesland der Kommende Muhde den Emmenkamp verkauft hat.
Wii Thede, grevynne in Oestvriesland, enkennen unde tueghen openbair in desser scrifft voir allessweme, woe dat unse leve salighe here greve Ulriick, deme God gnedich sy, hevet vorkofft rechtes ervekopes ewichliken enen kamp landes van vier grasen, hern Ayende, commenduer tor Mueden, ende deme convente dairselvest, gheheten Emmenkamp, beleghen mangk des conventes erve up de sudersiid van den convente by der watertochten des siiles, voir sunderlinghe betalinge, dair unsen saligen heren unde uns wal an ghenoghede, de vullenkomen entfanghen, ende schelden deme convente den kamp to gude in erer vryge hebbende were to gebrukende voir uns unde unser ervend bysprake, unde willen des gude waerscop doen ane alle argeliist unde gheverde. Orkunde unse secrete ghehanghen beneden an dessen breff. Nae Christi geboert vierteynhundert jair, dairnae in deme seven ende tsestigesten, des dages ad vincula Petri.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0823 |
| Jaar | 1467 |
| Datumcode | VinPet |