| Nummer:haf124 | Datum: | Overlevering:Origineel | Vindplaats:H.A. Farmsum, inv.nr. 0778, reg. 124 |
Kundych ende openbaer sy alledengenen de desen breiff sullen seyn off horen lesen wo dat wy kercvogeden
her Johan, Eppe Sybkama, Heynric Schomaker to Huysdingen hebben vercofft stedes ende vast Blydeke Fraema ende
hoeren erfgenamen dryhondert landes gelegen in onsen kerspell geheiten dat Hogeschot daer bygelandet
is Blydeke landt op de norder zyde, provest Unke landt op de oester syde Howerde Heymlant op de suder syde
ende de Noetwech op de wester eynde desen vorscreven lande ter swetten voer eyne summe geldes de ons
vogeden vorgenoemd is voll ende all betalet de erste pennyck myt den lesten tot onsen wyllen van
Blydeken vorscreven waer om so geve wy over voer ons ende onse nacomers dyt vorscreven landt Blydeken
ende hoeren erfgenamen dat to bruken, to wesselen, to vercopen ende alle hoeren wyllen daer mede to doen
sonder all argeliste ende nyevonde de dessen breiff hynderen mogen. In getugenisse der waerheit
so hebben hyr an ende over gewest Sweder Cater redye to Huysdingen ende Arent ten Hove dessen
waerheit to tugen ende om merre bevestenisse der waerheit so heb ic her Johan kerchere to
Huysdingen vorscreven myn segell gehangen beneden an desen breiff om beden willen der vogeden
vorgenoemd. Ghescreven in den jaer ons heren M CCCC LIX des dynxdages vor sinte Margareten daghe.
zegel sur double queue verloren.
her Johan, Eppe Sybkama, Heynric Schomaker to Huysdingen hebben vercofft stedes ende vast Blydeke Fraema ende
hoeren erfgenamen dryhondert landes gelegen in onsen kerspell geheiten dat Hogeschot daer bygelandet
is Blydeke landt op de norder zyde, provest Unke landt op de oester syde Howerde Heymlant op de suder syde
ende de Noetwech op de wester eynde desen vorscreven lande ter swetten voer eyne summe geldes de ons
vogeden vorgenoemd is voll ende all betalet de erste pennyck myt den lesten tot onsen wyllen van
Blydeken vorscreven waer om so geve wy over voer ons ende onse nacomers dyt vorscreven landt Blydeken
ende hoeren erfgenamen dat to bruken, to wesselen, to vercopen ende alle hoeren wyllen daer mede to doen
sonder all argeliste ende nyevonde de dessen breiff hynderen mogen. In getugenisse der waerheit
so hebben hyr an ende over gewest Sweder Cater redye to Huysdingen ende Arent ten Hove dessen
waerheit to tugen ende om merre bevestenisse der waerheit so heb ic her Johan kerchere to
Huysdingen vorscreven myn segell gehangen beneden an desen breiff om beden willen der vogeden
vorgenoemd. Ghescreven in den jaer ons heren M CCCC LIX des dynxdages vor sinte Margareten daghe.
zegel sur double queue verloren.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0778 |
| Regestnr. | 124 |
| Jaar | 1459 |
| Datumcode | MaMargar |